Лютэр (фільм, 2003)

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

«Лю́тэр» (па-ангельску: Luther) — біяграфічны фільм пра жыцьцё Марціна Лютэра (1483—1546). У галоўнай ролі здымаўся Джозэф Файнс(en), сфільмаваны ў 2003 годзе MGM, часткова фундаваўся Thrivent Financial for Lutherans. Фільм ахоплівае жыцьцё Лютэра ад таго часу, як ён стаў манахам у 1505 годзе, да сойму ў Аўгсбургу ў 1530 годзе.

Сюжэт[рэдагаваць | рэдагаваць крыніцу]

Фільм пачынаецца з таго, як падчас навальніцы у 1505 годзе Лютэр вяртаецца дадому. З-за страху страціць сваё жыцьцё падчас шторму Лютар аддае сваё жыцьцё Богу і становіцца манахам.

У наступнай сцэне, гэта 1507 г., Лютэр ужо манах у Эрфурце. Падчас свайго знаходжаньня ў манастыры ён увесь час занепакоены поглядам Бога як Бога нянавісьці і помсты. Марціна натхняе Ёган фон Стаўпіц, старэйшы манах, які зьяўляецца ягоным настаўнікам. Стаўпіц кажа Лютэру глядзець на Ісуса Хрыста замест сябе.

Пазьней Лютэр дастаўляе ліст для Стаўпіца ў Рым, дзе ён быў абураны амаральным ладам жыцьця рымлянаў. Ён таксама разглядае чэрап, як лічыцца Яна Хрысьціцеля, і набывае індульгенцыю. З гэтага часу Лютэр пачынае сумнявацца ў сапраўднасьці індульгенцыяў.

Недакладнасьці[рэдагаваць | рэдагаваць крыніцу]

  • У фільме Лютэр спасылаецца на Біблію па кнігах, разьдзелах і вершах. Але да 1551 году Біблія ня была падзеленая на вершы.
  • Лютэр паказаны з малатком ля дзьвярэй Вітэнбэрскага сабору і сваімі 95 тэзісамі, якія неадкладна былі прачытаныя мінакамі. Насамрэч простыя людзі не былі б у стане прачытаць тэзісаў, якія першапачаткова былі напісаныя па-лацінску, потым перакладзеныя на нямецкую мову і надрукаваныя. Цягам дзьвюх месяцаў яны шырока распаўсюдзіліся па ўсёй Эўропе.

Вонкавыя спасылкі[рэдагаваць | рэдагаваць крыніцу]