Лёнік Тарасэвіч

Зьвесткі зь Вікіпэдыі — вольнай энцыкляпэдыі
(Перанакіравана з «Лявон Тарасевіч»)
Лёнік Тарасэвіч
Лявон Тарасевіч (2009)
Імя пры нараджэньні Leon Tarasewicz
Дата нараджэньня 14 сакавіка 1957(1957-03-14)[1][2] (67 гадоў)
Месца нараджэньня
Месца вучобы
Занятак маляр, малявальнік, прафэсар унівэрсытэту
Навуковая сфэра інсталяцыя[d] і малярства[3]
Месца працы
Узнагароды

Лё́нік Тарасэ́віч, Лявон Тарасевіч (па-польску: Leon Tarasewicz; нар. 14 сакавіка 1957, вёска Валілы, Беластоцкі павет, Падляскае ваяводзтва, Польшча) — польскі мастак беларускага паходжаньня, прафэсар плястычных мастацтваў (2011)[4].

Жыцьцяпіс[рэдагаваць | рэдагаваць крыніцу]

Скончыў Плястычны ліцэй у Супрасьлі, а ў 1984 годзе аддзяленьне жывапісу ў Акадэміі мастацтваў у Варшаве. Дыплёмную працу выканаў пад кіраўніцтвам Тадэвуша Дамініка.

Ад 1996 году вядзе ў Акадэміі заняткі па жывапісе. Падкрэсьлівае сваё беларускае паходжаньне й бярэ актыўны ўдзел у жыцьці беларускае дыяспары ў Польшчы. Адзін з заснавальнікаў штогадовага беларускага фэсту «Басовішча». Супрацоўнічае з Варшаўскай галерэяй Фоксаль, Познанскай галерэяй Эго, а таксама зь Любельскай галерэяй Белая. Неаднаразова ўдзельнічаў у мастацкіх выставах у Беларусі (IN-FORMATION 95 ды іншыя).

Ёсьць таксама знаным аматарам птушак. Гадуе дэкаратыўных курэй (зьяўляецца суаўтарам кніжкі пра іх), галубоў і бажанаў.

Узнагароды[рэдагаваць | рэдагаваць крыніцу]

Літаратурная вечарына. Зьлева направа: выступае Сакрат Яновіч, а перакладае Крыстына Мольды. Італія, Рым, двор Блюмэнштыль, 1998 год. Здымак Л. Тарасевіча.

Атрымаў пашпарт газэты «Polityka» ў 2000, узнагароду імя Яна Цыбіса (таксама ў 2000) і ўзнагароду Фундацыі Зоф’і й Ежага Навасельскіх.

У 2007 годзе Тарасевіч атрымаў Вялікую ўзнагароду Фонду культуры за 2006 год «за істотны ўнёсак у клясычны жывапіс і мастацтва ўвогуле» (па-польску: za konsekwentne rzucanie wyzwania zarówno tradycyjnemu rozumieniu malarstwa, jak i wszelkim konwencjom rozumienia sztuki).

17 студзеня 2011 году «за выбітны ўнёсак у нацыянальную культуру Польшчы, за дасягненьні ў галіне мастацкай творчасьці і выкладчыцкай дзейнасьці» атрымаў Крыж кавалерскі ордэна Адраджэньня Польшчы[5] (у частцы беларускамоўных крыніцаў назва перакладзена як «Рыцарскі Крыж ордэна Адраджэньня Польшчы»[6]).

У апублікаваным рэйтынгу 2008 году найдаражэйшых польскіх мастакоў на аўкцыёнах у Польшчы Тарасэвіч займаў 10 пазыцыю: за ягоную карціну, створаную ў 1985 годзе, калекцыянэр заплаціў 150 000 злотых[7] (каля 45 000 эўра). Карціна ня мае назвы і была створаная пад уражаньнем камяністага марскога ўзьбярэжжа ў швэдзкім мястэчку Варнэнас, куды Тарасэвіч быў запрошаны на пленэр улетку 1985 году. У сьпісе найдаражэйшых польскіх мастакоў на замежных аўкцыёнах Тарасевіч таксама займае 10 месца з 44 100 даляраў ЗША за ягоную карціну алеем, створаную ў 1991 годзе[8].

Крыніцы[рэдагаваць | рэдагаваць крыніцу]

  1. ^ Leon Tarasewicz (нід.)
  2. ^ Leon Tarasewicz // Архіў прыгожых мастацтваў — 2003.
  3. ^ Tarasewicz, Leon // Нацыянальная служба Чэскай рэспублікі
  4. ^ Prezydent wręczył nominacje profesorskie (пол.). prezydent.pl (1 сакавіка 2011). Праверана 2 сакавіка 2011 г.
  5. ^ Prezydent odznaczył ludzi kultury (пол.). prezydent.pl (17 студзеня 2011). Праверана 20 студзеня 2011 г.
  6. ^ Беларускі мастак атрымаў Рыцарскі Крыж ордэна Адраджэньня Польшчы Актуаліі. Budzma.org (18 студзеня 2011). Праверана 20 студзеня 2011 г.
  7. ^ DA Rempex, Warszawa — aukcja sztuki współczesnej // Sztuka.pl (пол.)
  8. ^ Wystawa prac Leona Tarasewicza // Kultura, Wirtualna Polska (пол.)

Вонкавыя спасылкі[рэдагаваць | рэдагаваць крыніцу]