«ЛігаБізнэсІнфарм» (ЛБІ; укр. ЛігаБізнесІнформ) — інфармацыйнае агенцтва Ўкраіны, заснаванае ў лістападзе 1991 году пад назовам інфармацыйна-аналітычны цэнтар (ІАЦ) «Ліга». У 2006 г. на сваё 15-годьдзе зьмяніла назоў на сучасны. На пачатку мела 5 супрацоўнікаў. Асноўным вырабам быў прававыпошукавік, які ў 2010 г. меў каля 200 тыс. падпісчыкаў. У далейшым зьявілася служба прадпрымальніцкіх навінаў, сайт якой на 2010 г. меў звыш 600 тыс. штотыднёвых чытачоў. Мае відэастудыю, прэс-цэнтар і фотаслужбу.
