Лідыя Ярмошына

Лідыя Ярмошына
Кіраўнік ЦВК РБ
6 сьнежня 1996 — цяперашні час
Прэзыдэнт:	Аляксандар Лукашэнка
Прэм’ер-міністар:	Сяргей Сідорскі
Папярэднік:	Аляксандар Абрамовіч
Асабістыя зьвесткі:
Нарадзілася:	29 студзеня 1953 (60 гадоў) Слуцак, Менская вобласьць, БССР
Нацыянальнасьць:	беларуска
Дзеці:	сын
Адукацыя:	юрыдычны факультэт Калінінградзкага ўнівэрсытэту (1975)

Лідыя Міхайлаўна Ярмошына — беларуская дзяржаўная дзяячка, кіраўнік Цэнтральнай камісіі Рэспублікі Беларусь па выбарах і правядзеньні рэспубліканскіх рэфэрэндумаў (з 6 сьнежня 1996).

Біяграфія

Нарадзілася 29 студзеня 1953 году ў горадзе Слуцак Менскай вобласьці ў сям’і вайскоўца. Скончыла юрыдычны факультэт Калінінградзкага дзяржаўнага ўнівэрсытэту (РСФСР, 1975). Працавала юрконсультам гандлёвых і прамысловых прадпрыемстваў Калінінграду і Бабруйску, памагатым пракурора Кастрычніцкага раёну Калінінграду. З 1988 году — юрконсульт, а затым загадчыца юрыдычным аддзелам Бабруйскага гарвыканкаму. Чалец (1992—1996), кіраўнік (з 1996 г.) Цэнтральнай камісіі Рэспублікі Беларусь па выбарах і правядзеньні рэспубліканскіх рэфэрэндумаў. 21 сьнежня 2001 году ўказам прэзыдэнта №774 была прызначаная Кіраўніком Цэнтральнай камісіі Рэспублікі Беларусь па выбарах і правядзеньні рэспубліканскіх рэфэрэндумаў. 7 красавіка 2003 году ўказам прэзыдэнта прысвоена ганаровае званьне «Заслужаны юрыст Рэспублікі Беларусь».

Замужам, мае сына.

Крытыка

Па падазрэньнях ва ўдзеле ў фальсыфікацыях прэзыдэнцкіх выбараў Лідыі Ярмошынай быў забаронены ўезд у ЗША і краіны Эўразьвязу.

13 кастрычніка 2008 году міністры замежных справаў краін Эўразьвязу на паседжаньні ў Люксэмбургу прыпынілі на паўгода дзеяньне забароны на ўезд у краіны зьвяза прэзыдэнта Беларусі Аляксандра Лукашэнкі і «некаторых яго набліжаных». Санкцыі супраць старшыні Цэнтравыбаркаму Лідыі Ярмошынай засталіся ў сіле.

Вонкавыя спасылкі

• Профіль на праекце «Хто ёсьць хто ў РБ» ^(рас.)
• Онлайн-канфэрэнцыя на БелТА^(рас.) (24.07.2008)
• Онлайн-канфэрэнцыя на БелаПАН^(рас.) (28.07.2008)