Ліянэль Мэсі
| Ліянэль Мэсі | ||
 |
||
| Пэрсанальная інфармацыя | ||
|---|---|---|
| Мянушка | Лео | |
| Нарадзіўся | 24 чэрвеня 1987 (25 гадоў) Расарыё, Аргентына |
|
| Рост | 169 см | |
| Вага | 67 кг | |
| Пазыцыя | нападнік, атакуючы паўабаронца | |
| Клюбная інфармацыя | ||
| Клюб | Барсэлёна | |
| Нумар | 10 | |
| Моладзевыя клюбы | ||
| 1992—1995 1995—2000 2000—2003 |
Грандолі Ньюэлз Олд Бойз Барсэлёна |
|
| Клюбы | ||
| Гады | Клюб | Гульні (галы)¹ |
| 2003—2004 2004— |
Барсэлёна Б Барсэлёна |
22 (10) 241 (209) |
| Нацыянальная зборная | ||
| 2005— |  Аргентына |
77 (31) |
|
¹ Колькасьць гульняў і галоў за прафэсійны клюб лічыцца толькі |
||
Ліянэ́ль Андрэс Мэ́сі (па-гішпанску: Lionel Andrés Messi; нарадзіўся 24 чэрвеня 1987 года ў Расарыё, Аргентына) — аргентынскі футбаліст, нападнік клюба «Барсэлёна» і нацыянальнай зборнай Аргентыны. Мэсі — Алімпійскі чэмпіён 2008 году, чэмпіён сьвету сярод моладзі 2005 году, чэмпіён клюбнага кубка сьвету 2009 году, шматразовы ўладальнік «Залатога мяча».
Зьмест |
Раньнія гады[рэдагаваць]
Нарадзіўся 24 чэрвеня 1987 года ў Расарыё, Аргентына. Ягоны бацька Хорхэ Мэсі працаваў на фабрыцы, а маці Сэсылія Мэсі (Кусытыні) — часткова занятая прыбіральшчыца. Сям’я ягонага бацькі паходзіць з італьянскага гораду Анкона, адкуль ягоны прашчур Анджэлё Мэсі эміграваў у Аргентыну ў 1883 годзе. Ліянэль мае двух старэйшых братоў — Радрыга й Матыяса, а таксама сястру Марыю Соль. Мэсі стаў займацца футболам ува ўзросьце пяці гадоў, выступаючы за мясцовы клюб «Грандолі». На першыя трэніроўкі яго прывозіла бабуля, якая была адзінай у сям’і, хто хацеў бачыць Ліянэля футбалістам[1]. Пасьля «Грандолі» Ліянэль перайшоў у «Ньюэлз Олд Бойз», які таксама базуецца ў Расарыё. Ува ўзросьце дзесяці гадоў у Ліянэля дыягназавалі дэфіцыт гармона росту. «Рывэр Плэйт» праяўляў інтарэс да хлопца, але ня меў дастатковых сродкаў на ягонае лячэньне. Калі Ліянэлю было 13 гадоў, адзін з акцыянэраў «Барсэлёны» даведаўся пра маладога гульца. Пасьля прагляду футбаліста спартыўны дырэктар клюба Карляс Рэксача здолеў пераканаць савет дырэктароў аплаціць пераезд сям’і Мэсі ў Эўропу й ягонае лячэньне.
Кар’ера[рэдагаваць]
З 13 гадоў Ліянэль гуляў у моладзевым складзе «Барсэлёны», у першым жа сваім матчы аформіўшы «покер». За асноўны склад гішпанскага клюба Мэсі дэбютаваў 17 кастрычніка 2003 году ў таварыскай сустэчы з партугальскім «Порту». Пасьля матчу газэта «El Mundo» напісала: «У гэтага хлопца левая нага Марадоны, хуткасьць Кроіфа й пас Ранальдыньё».
Міжнародная кар’ера[рэдагаваць]
Да свайго дэбюту ў моладзевай камандзе Аргентыны Мэсі атрымаў запрашэньне выступаць за нацыянальную зборную Гішпаніі, але адхіліў яго. У чэрвені 2004 году ён нарэшце дэбютаваў у складзе нацыянальнай зборнай Аргентыны ў матчы супраць Парагваю.
Дасягненьні[рэдагаваць]
Пэрсанальныя[рэдагаваць]
- уладальнік Залатога мяча (2): 2009, 2010
Клюбныя[рэдагаваць]
- Чэмпіён Гішпаніі (5): 2005, 2006, 2009, 2010, 2011
- Пераможца Лігі чэмпіёнаў (3): 2006, 2009, 2011
- Уладальнік Супэркубка УЭФА: 2009
- Уладальнік Кубка Гішпаніі па футболе: 2009
- Уладальнік Супэркубка Гішпаніі па футболе (4): 2005, 2006, 2009, 2010
- Пераможца клюбнага чэмпіяната сьвету: 2009
Міжнародныя[рэдагаваць]
- Чэмпіён Алімпійскіх гульняў: 2008
- Пераможца моладзевага чэмпіяната сьвету: 2005
Крыніцы[рэдагаваць]
Вонкавыя спасылкі[рэдагаваць]
Ліянэль Мэсі — сховішча мультымэдыйных матэрыялаў
- Афіцыйны сайт (гішп.) (кат.) (анг.)
- Прафайл на афіцыйным сайце «Барсэлёны» (анг.)
 |
Гэта — накід артыкула пра футбаліста. Вы можаце дапамагчы Вікіпэдыі, пашырыўшы яго. |
