М’янма

М'янма Pyi-daung-zu Myan-ma Naing-ngan-daw'
(Сьцяг) (Герб)
Нацыянальны дэвіз: Kaba Ma Kyei
Дзяржаўны гімн «Kaba Ma Kyei»
Афіцыйная мова	Бірманская
Сталіца	Найп'іда
Найбуйнейшы горад	Рангун
Форма кіраваньня кіраўнік рады спакою і разьвіцьця прэм'ер-міністар	вайсковая дыктатура Тхан Швэ Тхэін Сэін
Плошча  • агульная  • адсотак вады	40-е месца ў сьвеце 676 578 км² 3,06
Насельніцтва  • агульнае (2009)  • шчыльнасьць	24-е месца ў сьвеце 50 020 000 73,9/км²
СУП  • агульны (2008)  • на душу насельніцтва	59 месца ў сьвеце $67,963 млрд $1156
Валюта	К’ят (MMK)
Часавы пас	UTC (UTC+6:30)
Незалежнасьць ад Вялікабрытаніі	4 студзеня 1948 году
Аўтамабільны знак	MYA
Дамэн верхняга ўзроўню	.mm
Тэлефонны код	+95

М’янма (афіцыйна — Рэспубліка Зьвязу М’янмы, да 2010 году — Зьвяз М’янмы, да 1989 году — Бірма) — дзяржава ў паўднёва-ўсходняй Азіі на паўвысьпе Індакітай, разьмешчаная на беразе Бэнгальскай затокі ў Індыйскім акіяне. М’янма мяжуе зь Індыяй, Кітаем, Лаосам, Банглядэшам ды Тайляндам.

Палітыка

З 1997 году М’янма кіруецца вайсковай Дзяржаўнай радай міру і разьвіцьця, правапераймальнікам прыйшоўшай да ўлады ў 1988 годзе Дзяржаўнай рады па аднаўленьні закону і парадку. Кіраўнік рады — генэрал Тан Швэ. Менавіта ён ажыцьцявіў зьмену афіцыйнай назвы дзяржавы ў 1989 годзе. Рэжым характаруецца аўтарытарным стылем кіраўніцтва, перасьледам нацыянальных меншасьцяў, адсутнасьцю свабоды СМІ. Разам з гэтым, у наш час, кіраўніцтва краіны актыўна супрацоўнічае зь міжнароднымі арганізацыямі.

Адміністрацыйны падзел

Краіна дзеліцца на 7 штатаў і 7 правінцыяў. Правінцыі створаны на тэрыторыях заселеных бірманцамі, а штаты на тэрыторыях заселеных нацыянальнымі меншасьцямі. Нягледзячы на розныя назвы, штаты і правінцыі нічым не адрозьніваюцца (штаты ня маюць ніякай аўтаноміі).

М’янмскія штаты:

• Аракан
• Цзын
• Качын
• Кая
• Карэн
• Мон
• Сзан

М’янмскія правінцыі:

• Іравадзі
• Магвэ
• Мандалай
• Пегу
• Рангун
• Сагаінг
• Танінтарый

Геаграфія

М’янма мяжуе зь Індыяй (1463 км) і Банглядэшам (193км) на захадзе, Кітаем (2185 км) на паўночным усходзе, з Лаосам (235 км) на ўсходзе і Тайляндам (1800 км) на паўднёвым усходзе. З поўдня і паўднёвага захаду мае выхад да Бэнгальскай затокі, затокі Маўтама і Андаманскага мора. Плошча краіны разам з выспамі складае 678 тыс. км², даўжыня берагавой лініі — 1930 км.

Асноўныя рэкі М’янмы: Іравадзі, Меконг, Салуін, Сітаўн і Чындуін. Самае вялікае возера краіны — возера Інле на Шанскім нагор’і.

Эканоміка

М’янма была адной з самых багатых краін Паўднёва-Ўсходняй Азіі, але цяпер адносіцца да адных з самых бедных краінаў сьвету. Асноўнай праблемай эканомікі зьяўляецца адсутнасьць адпаведнай інфраструктуры. Чыгуначныя каляіны ў гаротным стане, яны не рамантаваліся ўжо некалькі дзесяцігодзьдзяў. У сельскай мясцовасьці адсутнічаюць дарогі зь цьвёрдым пакрыцьцём. Часта здараюцца перабоі з электрычнасьцю. Частка прыватных прадпрыемстваў належыць арміі.

Структура эканомікі выглядае наступным чынам:

• сельская гаспадарка — 57%;
• прамысловасьць — 10%;
• паслугі — 33%.

Экспарт краіны складаецца ў асноўным з прадукцыі сельскай гаспадаркі: рысу і г. д. Імпарт складаецца з прадукцыі жывёлагадоўлі, лекаў, машынаў і тэхнічнага абсталяваньня, нафты.

Дэмаграфія

Насельніцтва М’янмы складаецца з наступных нацыяў:

• Бірманцы — 68%;
• Сзаны — 9%;
• Карэны — 7%;
• Араканы — 4%;
• Кітайцы — 3%;
• Індусы — 2%;
• Моны — 2%;
• іншыя народнасьці — каля 5%.

Па веравызнаньні насельніцтва складаецца з: будысты — 89%, хрысьціяне — 4%, мусульмане — 4%, анімісты — 1%, іншыя — 2%.

Вонкавыя спасылкі

 М’янма — сховішча мультымэдыйных матэрыялаў