Макар Краўцоў
| Макар Краўцоў | |
| Макар Мацьвеевіч Касьцевіч | |
 |
|
| Асабістыя зьвесткі | |
|---|---|
| Імя пры нараджэньні | Макар Мацьвеевіч Касьцевіч |
| Псэўданімы | Макар Краўцоў, Язэп Сьвятазар |
| Нарадзіўся | 18 жніўня 1891, Баброўня, Гарадзенскі павет, Гарадзенская губэрня, Расейская імпэрыя |
| Памёр | каля 1939, СССР |
| Літаратурная дзейнасьць | |
| Значныя творы | «Мы выйдзем шчыльнымі радамі» |
Мака́р Краўцо́ў (сапр. Макар Мацьвеевіч Касьцевіч; 18 жніўня 1891 — пасьля 1939) — беларускі пісьменьнік, паэт, перакладчык, публіцыст, грамадзка-палітычны дзяяч.
Зьмест |
Біяграфія [рэдагаваць]
Нарадзіўся ў вёсцы Баброўня Гарадзенскага павету ў заможнай сялянскай сям’і. Скончыў царкоўна-прыходзкую школу ў вёсцы Галавачы (Гарадзенскі павет), Сьвіслацкую настаўніцкую сэмінарыю (1910). Працаваў у школе.
З 1915 году — у войску, пасьля вайсковай вучэльні — на Паўночна-Заходнім фронце.
Беларуская Народная Рэспубліка [рэдагаваць]
Дэлегат І Усебеларускага кангрэсу (сьнежань 1917 году). Настаўнічаў у Менску (1917—1918). Выкладаў на курсах беларусазнаўства пры Менскай гарадзкой думе (1918).
У 1918 годзе ўступіў у Беларускую партыю сацыялістаў-рэвалюцыянэраў. Удзельнічаў у працы Рады БНР у Менску і Горадні (1918—1919). Удзельнік Слуцкага паўстаньня, займаўся ў ходзе яго справамі друку, быў загадчыкам паўстанцкае друкарні ў Клецку.
У міжваеннай Польшчы [рэдагаваць]
Пазьней працаваў у Радашкавіцкай беларускай гімназіі (1922—1923).
Жыў у Вільні. Рэдагаваў часапіс «Саха» (1923).
З 1927 году актыўна ўдзельнічаў у працы Беларускага навуковага таварыства. Друкаваўся (з 1916 году) у пэрыёдыках «Гоман», «Звон», «Беларускае жыцьцё», «Беларускія ведамасьці», «Беларусь», «Наша думка», «Маланка», «Грамадзкі Голас», «Беларускае слова» «Сялянская ніва», «Беларуская культура», «Беларускі дзень». Карыстаўся таксама псэўданімам «Язэп Сьвятазар». Арганізоўваў у родных мясьцінах беларускія канцэрты, спэктаклі.
Арыштоўваўся ўладамі Польшчы за пракамуністычную агітацыю.
У 1930-х гадах адыйшоў ад літаратурнай творчасьці. Быў беспрацоўным.
Сябра Галоўнай управы Таварыства беларускай школы ў 1936—1937 гадах.
У Савецкай Беларусі [рэдагаваць]
У кастрычніку 1939 году працаваў у рэдакцыі газэты «Віленская праўда». Неўзабаве арыштаваны бальшавікамі, загінуў у зьняволеньні.
Творчасьць [рэдагаваць]
Краўцоў — аўтар выданай у Вільні працы пра гісторыю БНР «Рада Беларускай Народнай Рэспублікі» (1921).
Аўтар словаў гімну БНР «Мы выйдзем шчыльнымі радамі».
Пераклады на беларускую мову:
- «Алеся» Аляксандра Купрына
- «Мцыры» Міхаіла Лермантава (1924)
- «Расказы аб вялікіх падзеях розных часоў і народаў» Мікалая Рубакіна (1924)
- «Дэман» Міхаіла Лермантава (1926)
- «Бартэк-пераможнік» Генрыка Сянкевіча (1926)
- «Сьляпы музыка» Уладзімера Караленкі (1928)
- «Прынц і жабрак» Марка Твэна (1928)
- «Для дзяцей» Лява Талстога (1928)
- «Тарас Бульба» Мікалая Гогаля (1929)
Вонкавыя спасылкі [рэдагаваць]
Макар Краўцоў — сховішча мультымэдыйных матэрыялаў
