Мальлёрка Пальма

Мальлёрка
Поўная назва	Real Club Deportivo Mallorca, S.A.D.
Заснаваны	5 сакавіка 1916
Горад	Пальма, Гішпанія
Стадыён	Ібэрастар Умяшчальнасьць: 23 142
Прэзыдэнт	Хаймэ Клядэра
Галоўны трэнэр	Хаакін Капарас
Чэмпіянат	Ля Ліга
· 2011—2012	8 месца
Хатнія колеры Выязныя колеры
Афіцыйны сайт

Мальлёрка (па-гішпанску: Real Club Deportivo Mallorca) ― гішпанскі футбольны клюб з гораду Пальма з выспы Мальлёрка. Клюб быў заснаваны 5 сакавіка 1916 году й цяпер гуляе ў вышэйшым гішпанскім дывізіёне ― Ля Лізе. Быў фіналістам Кубка ўладальнікаў кубкаў у 1999 годзе.

Клюб гуляе ў чырвоных кашулях з чорнымі шортамі й гетрамі. Хатняя арэна завецца «Ібэрастар», якая можа ўмясьціць 23 142 гледачы.

Гісторыя

«Мальлёрка» ― найстарэйшы клюб Балеарскіх астравоў. Быў названы першапачаткова Junta Directiva del Alfonso XIII FBC у гонар караля тых часоў Альфонса XIII. Першым стадыёнам клюбу быў «Буэнас-Айрэс», што адчыніўся 25 сакавіка 1916 году гульнёй супраць «Барсэлёны», у якой «Мальлёрка» атрымала паразу зь лікам 0:8. Праз год клюб зьмяніў назоў на Real Sociedad Alfonso XIII, а ў 1931 годзе прыйшлося зноўку зьмяніць назву па палітычных мэтах на Club Deportivo Mallorca. У 1949 годзе да назвы клюбу прымкнуў тытул «каралеўскі» (Real).

22 ліпеня 2008 году было заяўлена, што 96 адсоткаў акцыяў клюбу купляе ангельскі бізнэсовец Пол Дэвідсан, але ўжо ў лістападзе таго году было высьветлена, што ў ангельца няма грошай на куплю. Праз год 19 лістапада 2009 году клюб быў выкуплены гішпанскім бізнэсоўцам Матэа Алемані.

30 сакавіка 2010 году «Мальлёрка» падпісала дамову з італьянскай кампаніяй футбольнага экіпіяваньня Macron. Дамова разьлічана на тры сэзоны з 2010 па 2013 гады.

Дасягненьні

• Уладальнік кубка Гішпаніі (1): 2003
• Уладальнік Супэркубка Гішпаніі (1): 1998

Склад

Па стане на 1 красавіка 2013 года

№ Пазыцыя Імя Год нараджэньня 1 Бр Хуан Калятаюд 1979 2 Аб Элан Гатан 1984 3 ПА Жуан Віктор 1988 4 Аб Андэрсан Кансэйсан 1989 5 ПА Томас Піна 1987 6 Аб Антоніё Лёпэс 1981 7 ПА Мішэль Пэрэйра 1987 8 Нап Эміліё Нсуэ 1989 9 ПА Джавані дос Сантас 1989 10 Нап Тамэр Гэмэд 1987 11 ПА Хаві Маркес 1986 12 ПА Фэрнанда Тысонэ 1986 13 Бр Дуду Ават 1977 14 Аб Пэдра Жэрамэл (ар. «Кёльн») 1985

№ Пазыцыя Імя Год нараджэньня 16 Аб Жазэ Нунэш (капітан) 1977 17 Аб Пэдра Бігас 1990 18 Нап Віктор Касадэсус 1985 19 ПА Хасэ Люіс Марці (віцэ-капітан) 1975 20 Аб Антоніё Люна (ар. «Сэвільля») 1991 21 ПА Аляхандра Альфара 1986 22 Нап Хавіер Арысмэндзі 1984 23 Аб Кевін Гарсія 1989 24 ПА Андрэў Фонтас (ар. «Барсэлёна») 1989 25 Бр Рубэн Міньнё 1989 27 Аб Шыма Навара 1990 30 Нап Альвара Хімэнэс 1991 33 Нап Абдон Пратс 1992

Вонкавыя спасылкі

 Мальлёрка Пальма — сховішча мультымэдыйных матэрыялаў

• Афіцыйны сайт^(гішп.)