Марка Марк’ёньні

Марка Марк’ёньні
Пэрсанальная інфармацыя
Нарадзіўся	22 ліпеня 1980 (43 гады) Монтэратонда, Італія
Рост	175 см
Вага	76 кг
Пазыцыя	паўабаронца
Клюбы
Гады	Клюб	Гульні (галы)¹
1997—1998 1998—2001 2001—2006 2003 2006—2009 2009—2012 2012—2014 2014—2015 2015—2017 2017—2018	Монтэратонда Эмапалі Парма → П’ячэнца Ювэнтус Фіярэнтына Парма Сампдорыя Лятына Карарэзэ	29 (4) 55 (7) 112 (13) 16 (1) 63 (3) 60 (7) 61 (2) 1 (0) 6 (0) 6 (0)
Зборныя
2003—2009	Італія	6 (0)

Марка Марк’ёньні (па-італьянску: Marco Marchionni; нарадзіўся 22 ліпеня 1980 году, Монтэратонда, Італія) — італьянскі футбаліст, паўабаронца.

Кар’ера

Клюбная

Пачаў сваю прафэсійную кар’еру ў «Эмапалі» ў 1998 годзе. Адгуляўшы тры гады Марка зьехаў у «Парму». На працягу двух гадоў правёў усяго толькі 25 матчаў і адправіўся ў «П’ячэнцу» на правах арэнды, каб атрымаць больш гульнявой практыкі.

У сэзоне 2003—2004 гадоў пры трэнэры Чэзарэ Прандэльлі Марк’ёньні па-сапраўднаму расквітнеў. Гэты сэзон стаў вельмі ўдалым для яго, ён згуляў 35 гульняў і забіў 6 галоў. У наступным сэзоне Марка згуляў 32 гульні й забіў 6 галоў. Сэзон 2005—2006 гадоў атрымаўся нядрэнным для гульца, ён скончыў сэзон з 31 матчамі й 4 галамі. Ягоны талент і адносна малады ўзрост прыцягнулі да сябе ўвагу «Ювэнтусу». Марка далучыўся да сваёй новай каманды на правах вольнага агента ў чэрвені 2006 году.

У ліпені 2009 году Марк’ёньні перайшоў у склад «Фіярэнтыны». Адначасова, абодва клюбы дамовіліся аб трансфэры ў зваротным кірунку Фэліпэ Мэла.

У канцы 2012 году зьявіліся чуткі аб магчымым пераходзе Марка ў склад менскага «Дынама». Галоўным ініцыятарам запрашэньня гульца ў Беларусь выступіў на той момант спартовы дырэктар менскага клюбу Сяргей Гурэнка.

Міжнародная

12 лістапада 2003 году Марка дэбютаваў у складзе зборнай Італіі ў таварыскім матчы супраць зборнай Польшчы.

Дасягненьні

«Парма»

• Уладальнік Кубка Італіі: 2002

Вонкавыя спасылкі

Марка Марк’ёньні — сховішча мультымэдыйных матэрыялаў

• Статыстыка на Football.it