Марсэль Янсэн

Марсэль Янсэн
Пэрсанальная інфармацыя
Нарадзіўся	4 лістапада 1985 (27 гадоў) Мёнхэнглядбах, Нямеччына
Рост	191 см
Вага	84 кг
Пазыцыя	паўабаронца
Клюбная інфармацыя
Клюб	Гамбург
Нумар	7
Клюбы
Гады	Клюб	Гульні (галы)¹
2004—2007 2007—2008 2008—	Барусія Мёнхэнглядбах Баварыя Гамбург	73 (5) 17 (0) 83 (16)
Нацыянальная зборная
2005—	Нямеччына	36 (3)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 7 красавіка 2012. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 18 лютага 2011.

Ма́рсэль Я́нсэн (па-нямецку: Marcell Jansen; нарадзіўся 4 лістапада 1985, Мёнхэнглядбах, Нямеччына) — нямецкі футбаліст, які выступае за клюб «Гамбург» і нацыянальную зборную Нямеччыны на пазыцыі паўабаронцы. Можа згуляць таксама й на пазыцыі абаронцы.

Біяграфія

«Барусія» Мёнхэнглядбах

Марсэль перайшоў у «Барусію» зь мясцовай спартовай школы «Люрып» ў 1993 годзе. Да моманту свайго першага трапленьня ў заяўку на матч Бундэсьлігі 20 верасьня 2003 году ён ужо меў вопыт выступленьня за розныя юніёрскія зборныя сваёй краіны, аднак у той гульні перамогу атрымалі футбалісты клюба «Гановэр-96» зь лікам 2:0, галоўны трэнэр Эвальд Лінэн гэтак і не выпусьціў яго на поле. Пасьля паразы Лінэна звольнілі, а Янсэна адправілі ў юнацкую каманду.

Упершыню Янсэн зьявіўся на поле 11 сьнежня 2004 году на бэрлінскім Алімпіяштадыёне, калі ягонага каманда саступіла «Гэрце» зь непрыстойным лікам 6:0. У той гульні Янсэн адзначыўся толькі парушэньнем правілаў і пакараньнем. Аднак галяндзкі трэнэр Дык Адвакаат працягваў давяраць маладому футбалісту, пэрыядычна выпускаючы яго на поле.

«Баварыя»

Улетку 2006 года да ўлюбёнцу заўзятараў зь Мёнхэнглядбаха паступіла некалькі павабных прапановаў, аднак новы трэнэр «Барусіі» Юп Гайнкэс заявіў, што Янсэн з катэгорыі гульцоў «не для продажу», з чым пагадзіўся і сам футбаліст, сказаўшы, што не зьбіраецца пакідаць родны клюб «гэтак рана». Аднак у канцы сэзону Янсэн падпісаў чатырохгадовы кантракт з мюнхэнскай «Баварыяй» пасьля таго, як «Барусія» пакінула Бундэсьлігу.

«Гамбург»

Улетку 2008 году Янсэн перайшоў у «Гамбург», падпісаўшы кантракт на пяць гадоў.

Нацыянальная зборная

Дэбют за зборную адбыўся 3 верасьня 2005 году ў Браціславе. У матчы, дзе перамогу атрымалі славацкія футбалісты зь лікам 2:0, Юрген Клінсман выпусьціў яго на замену Томасу Гітцльшпэргеру.

Дасягненьні

Баварыя Мюнхэн:

• Чэмпіён Нямеччыны: 2008
• Уладальнік Кубка Нямеччыны: 2008
• Уладальнік Кубка лігі Нямеччыны: 2007
• Бронзавы прызэр чэмпіянату сьвету: 2006, 2010
• Срэбраны прызэр чэмпіянату Эўропы: 2008

Вонкавыя спасылкі

 Марсэль Янсэн — сховішча мультымэдыйных матэрыялаў

• Афіцыйны сайт
• Сайт заўзятараў
• Профіль на сайце Бундэсьлігі