Марыё Гётцэ

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Марыё Гётцэ
Марыё Гётцэ
Пэрсанальная інфармацыя
Нарадзіўся 3 чэрвеня 1992 (22 гады)
Мэмінген, Нямеччына
Рост 176 см
Вага 64 кг
Пазыцыя атакуючы паўабаронца
Клюбная інфармацыя
Клюб Баварыя
Нумар 19
Моладзевыя клюбы
1997—1998
1998—2001
2001—2009
Розэнбэрг
Айнтрахт Гомбрух
Барусія Дортмунд
Клюбы
Гады Клюб Гульні (галы)¹
2009—2013
2013—
Барусія Дортмунд
Баварыя
83 (22)
27 (10)
Нацыянальная зборная
2010— Нямеччына 35 (11)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана па стане на
3 траўня 2014.
² Колькасьць гульняў і галоў за нацыянальную зборную
ў афіцыйных матчах, адкарэктавана па стане на
13 ліпеня 2014.

Марыё Гётцэ (па-нямецку: Mario Götze; нарадзіўся 3 чэрвеня 1992 году, Мэмінген, Нямеччына) — нямецкі футбаліст, які выступае за клюб «Баварыя» й нацыянальную зборную Нямеччыны на пазыцыі атакуючага паўабаронцы. Чэмпіён сьвету 2014 году.

Кар’ера[рэдагаваць | рэдагаваць крыніцу]

«Барусія»[рэдагаваць | рэдагаваць крыніцу]

Марыё зьяўляецца выпускніком моладзевай акадэміі «Барусіі», у якую ён прыйшоў у васьмігадовым узросьце. Гётцэ дэбютаваў у Бундэсьлізе 21 лістапада 2009 году ў гульні супраць «Майнцу», выйшаўшы на замену Якубу Блашчыкоўскаму а 88-й хвіліне матчу. Падчас зімовага перапынку ў сэзоне 2009—2010 гадоў мэнэджар клюбу Юрген Клёп стаў больш давяраць Марыё. На наступны сэзон Марыё быў важным гульцом клюбу, які перамог тады ў чэмпіянаце Нямеччыны.

«Баварыя»[рэдагаваць | рэдагаваць крыніцу]

Марыё ў кашулі «Баварыі»

23 красавіка 2013 году было абвешчана, што Гётцэ з 1 ліпеня 2013 году стане гульцом «Баварыі», пасьля таго як яны пацьвердзілі гатовасьць да выплочваньня сумы ў памеры 37 млн эўра[1][2]. Трансфэр зрабіў Марыё самым кашштоўным нямецкім гульцом усіх часоў[3][4]. Галоўны трэнэр «Барусіі» Юрген Клёп сьцьвярджаў, што чыньнікам пераходу Гётцэ было жаданьне плэймэйкера гуляць пад кіраўніцтвам мэнэджара Пэпа Гвардыёлі, які раней працаваў у «Барсэлёне»[5].

11 жніўня 2013 году Гётцэ дэбютаваў за «Баварыю», выйшаўшы на замену Мітчэлу Візэру на 60-й хвіліне матчу. Марыё забіў два галы і дапамог клюбу атрымаць перамогу зь лікам 1:4 над вугорскім чэмпіёнам «Дзьёрам» у таварыскім матчы. У Бундэсьлізе гулец ​​дэбютаваў у хатнім матчы супраць «Нюрнбэргу» 24 жніўня 2013 году. «Баварыя» атрымала перамогу ў той сустрэчы зь лікам 2:0. 19 кастрычніка 2013 году Гётцэ выйшаў на замену і зрабіў дзьве галявыя перадачы ў пераможным матчы супраць «Майнцу» (4:1)[6].

23 кастрычніка 2013 году Гётцэ забіў свой першы гол за мюнхэнскі клюб у Лізе чэмпіёнаў, у хатнім параможным матчы зь лікам 5:0 перавд чэскай «Вікторыяй». 26 кастрычніка 2013 году Марыё выйшаў на замену Тоні Кроосу на 25-й хвіліне і забіў свой першы гол у Бундэсьлізе за «Баварыю», а клюб трываў перамогу зь лікам 3:2[7]. Толькі 2 лістапада 2013 году гулец ўпершыню выйшаў у стартавым складзе клюбу ў матчы супраць «Гофэнгайму». 24 студзеня 2014 году Гётцэ пачаў матч як «аблудная 9» і забіў гол у браму мёнхэнглядбаскай «Барусіі», «Баварыя» выйграла матч зь лікам 0:2[8]. Сэзон для маладога гульца аказаўся адносна пасьпяховым, бо не зважаючы на тое, што за сэзон ва ўсіх клюбных спаборніцтвах ён забіў 15 галоў, большую частку матчаў ён выходзіў на замены ці быў заменены, з-за высокай канкурэнцыі ў баварскім клюбе.

Міжнародная кар’ера[рэдагаваць | рэдагаваць крыніцу]

Пераможны гол Гётцэ ў фінале чэмпіянату сьвету

За галоўную зборную Нямеччыны Гётцэ дэбютаваў 17 лістапада 2010 году, у таварыскім матчы супраць Швэцыі, замяніўшы на 78-й хвіліне свайго партнэра па клюбу Кевіна Гроскройца. Першы гол за сваю зборную немец забіў 10 жніўня 2011 году ў таварыскім матчы са зборнай Бразыліі, у якой Нямеччына зь лікам 3:2 атрымала перамогу, тым самым, Марыё перапісаў гісторыю, стаўшы самым маладым гульцом, які забіваў за «бундэстым»[9]. На той дзень яму было 19 гадоў і 68 дзён. 13 ліпеня 2014 у фінальным матчы чэмпіянату сьвету з Аргентынай забіў адзіны гол матчу (113-я хвіліна) і, такім чынам, прынёс перамогу і чэмпіёнскі тытул сваёй зборнай.

Дасягненьні[рэдагаваць | рэдагаваць крыніцу]

«Барусія» Дортмунд:

«Баварыя»:

Нямеччына:

Сям’я[рэдагаваць | рэдагаваць крыніцу]

У Марыё ёсьць два браты: старэйшы Фабіян і малодшы Фэлікс. З Фэліксам, дарэчы, ён пражывае пад адным дахам. А старэйшы брат, таксама футбаліст — улетку 2010 году ён пакінуў другую каманду «Барусіі» і стаў гульцом другой каманды «Майнца». На сёньня Фабіян выступае за клюб «Унтэргахінг».

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Марыё Гётцэсховішча мультымэдыйных матэрыялаў