Матэрыяльны пункт
Зьвесткі зь Вікіпэдыі — вольнай энцыкляпэдыі.
Матэрыя́льны пункт – цела, якое пры вырашэньні пэўнай фізычнай задачы ўмоўна прымаецца за пункт. Гэта азначае, што геамэтрычныя памеры цела прымаюцца роўнымі нулю.
Матэрыяльны пункт – гэта найпрасьцейшая зь мэханічных сыстэм, якая можа рухацца толькі паступальна і ня можа вярцецца або дэфармавацца.
Прадстаўленьне цела ў якасьці матэрыяльнага пункта дапушчальна, калі выконваюцца наступныя ўмовы:
- цела мае невялікія памеры (у маштабе дадзенай задачы)
- цела рухаецца паступальна або яго вярчальны рух у дадзенай задачы можна не ўлічваць
Дапушчальнасьць або недапушчальнасьць прыняцьця цела за матэрыяльны пункт вызначаецца ўмовамі канкрэтнай задачы. Так, напрыклад, Зямлю можна лічыць матэрыяльным пунктам пры разглядзе яе руху вакол Сонца і нельга - калі разглядаецца яе рух вакол сваёй восі.
