Мешка II Ламбэрт
| Мешка II Ламбэрт Mieszko II Lambert |
|
 |
|
| Кароль Польшчы | |
| Папярэднік | Балеслаў I Храбры |
| Наступнік | Безпрым |
| Папярэднік | Безпрым |
| Наступнік | Балеслаў Запамятаваны |
| Асабістыя зьвесткі | |
| Нарадзіўся | 990 |
| Памёр | 10 траўня 1034 |
| Дынастыя | Пясты |
| Бацька | Балеслаў I Храбры |
| Маці | Эмнільда |
Мешка II Ламбэрт (па-польску: Mieszko II Lambert, 990 — 10 траўня 1034) — кароль Польшчы з 1025 па 1031 і з 1032 па 1034 гадох. Прадстаўнік дынастыі Пястаў, сын Баляслава Храбрага й Эмнільды, дачкі лужыцкага князя Дабраміра.
Зьмест |
Пачатак кіраўніцтва [рэдагаваць]
Мешка ня быў старэйшым сынам Балеслава, але гэта не перашкодзіла яму атрымаць сталец у 1025 годзе, а два ягоныя браты Безпрым і Атон былі выгнаныя з Польшчы, і знайшлі сабе прытулак у Кіеве. Мешка стаў каралём у часы крызы палетычнае палітыкі Польшчы, якая была вынікам палітыкі яго бацькі. Польшча знаходзілася ў палітычнае ізаляцыі й была зьняможана бясконцымі войнамі з суседзямі. Адначасова з гэтым узмацнілася царкоўная ды княская апазыцыі да каралю.
Новы кароль працягваў актыўную зьнешнюю палітыку свайго бацькі, чым выклікаў незадавальненьне імпэратара Конрада II. Пытаючыся выйсьце з палітычнае ізаляцыі, Мешка ў 1027 годзе вымушаны быў уступіць Вугоршчыне тэрыторыю Славаччыны, што дало магчымасьць заключыць польска-вугорскі зьвяз супраць імпэрыі. Адначасова кароль рашуча падавіў мяцеж заходнепаморскага князя Дытрыха й паскорыў хрысціянізацыю Памор'я й Куявіі.
Вайна з імпэрыяй [рэдагаваць]
Пытаючыся адхіліць непазьбежную нямецкую пагрозу супраць Польшчы, Мешка ў 1028 гозе зьдейсьніў паходы на Чэхію й Саксонію. У адказ на гэта у наступным годзе імпэратар Конрад II уварваўся ў Сылезію. Становішча пагоршылася ў 1031 годзе, калі Вугоршчына заключыла мір з імпэратарам. У той жа час у Польшчу ўвайшло войска кіеўскага князя Яраслава Мудрага, які падрымліваў падставы Безпрыма на польскі сталец. Пытаючыся выратаваць сваю пасаду Мешка аб'явіў аб адмове ад Лужыц і Маравіі, каб атрымаць падтрымку з боку імпэратара. Аднак нямецкі імпэратар адмовіўся й Мешка быў вымушаны бегчы ў Чэхію. Безпрым амаль без перашкод заняў польскі сталец.
Рэстаўрацыя [рэдагаваць]
У 1032 годзе Мешка пры падтрымцы чэскага войска здолеў вярнуць сабе пасаду караля Польшчы. Тым ня менш ў 1033 годзе на мэрзэбурскім зьезьдзе імпэратарскіх князёў Мешка быў вымушаны пацьвердзіць адмову Польшчы ад прэтэнзыі на Лужыцы й Моравію. 10 траўня быў забіты, відаць, змоўшчыкамі зь ліку польскіх фэадалаў. Яго сьмерць пацягнула пэрыяд хаосу й бязладзьдзя ў Польшчы.
| Папярэднік Балеслаў I Храбры |
Кароль Польшчы 1025—1031 |
Наступнік Безпрым |
| Папярэднік Безпрым |
Кароль Польшчы 1032—1034 |
Наступнік Балеслаў Запамятаваны |
Вонкавыя спасылкі [рэдагаваць]
Мешка II Ламбэрт — сховішча мультымэдыйных матэрыялаў
