Мухавец (рака)
Зьвесткі зь Вікіпэдыі — вольнай энцыкляпэдыі.
| Рака | |
| Мухавец | |
 |
|
| Рака Мухавец | |
| Агульныя зьвесткі | |
| Выток | сутокі ручая Муха і канала Вец |
| Вусьце | Заходні Буг |
| Краіны басэйну | Беларусь |
| Даўжыня | 150 км |
| Сярэднегадавы сьцёк | 33,6 м³/с |
| Плошча басэйну | 6350 км² |
| Нахіл воднай паверхні | 0,2 ‰ |
 Дадатковыя мультымэдыйныя матэрыялы |
|
Му́хавец, Белы Мухавец — рака ў Берасьцейскай вобласьці Беларусі, правы прыток Заходняга Буга (басэйн Віслы). Даўжыня — 150 км, плошча басэйну — 6350 км². Сярэдні нахіл воднай паверхні 0,2 ‰. Сярэдні расход вады складае 33,6 м³/с.
Зьмест |
[рэдагаваць] Асноўныя прытокі
- Праваруч: Дахлоўка (даўжыня 24 км), , Жабінка (даўжыня 25 км), .
- Леваруч: Трасьцяніца (даўжыня 34,3 км), Асіпоўка, Рыта, канал Бона (даўжыня 20 км).
[рэдагаваць] На рацэ
- Месты: Кобрынь, Жабінка, Бярэсьце.
- Славутасьці: у вусьці — Берасьцейская фартэцыя
[рэдагаваць] Агульныя зьвесткі
Мухавец бярэ пачатак у сутоках ручая Муха і канала Вец у месцы Пружаны. Нясе свае воды пераважна па Палесьсі, у вусьці стаіць глухая грэбля.
Шырыня даліны Мухаўца ў яго сярэдняй плыні складае 400 — 600 м, ніжэй 1,5 — 2 км. Абалона двухбаковая, нізкая, месцамі забалочаная, шырыня да вёскі Шэбрын 200 — 400 м, ніжэй 1 — 1,5 км. Рэчышча каналізаванае. Берагі нізкія, вышынёй у 0,5 — 2 м, абрывістыя. Найвышэйшы ўзровень вады назіраўся ў сакавіку пры разводзьдзі.
Азёрнасьць не перавышае 2%. Азёры разьмешчаныя на поўдні вадазбору. Найвялікшыя зь іх — Сьвіцяскае, Пулямецкае, Астроўскае і Арэхаўскае.
[рэдагаваць] Рэльеф
Вадазбор разьмяшчаецца на паўночна-заходнім ўскрайку Палескай нізіны (Берасьцейскае Палесьсе), які пераходзіць у Прыбускую раўніну. Рэльеф дробнаўзгорысты з дзялянкамі згладжаных канчаткова-марэнных градаў і грудоў вышынёй 5-15 м. Больш прыпаднятая ўсходняя частка разьмешчаная на заходняй пэрыфэрыі платопадобнай водна-ледавіковай раўніны Загародзьдзе.
[рэдагаваць] Расьліннасьць
Лясы зьмяшаныя, сустракаюцца невялікімі гаямі або хваёвымі борамі, найбольш значныя зь іх у паўднёвай частцы левабярэжжа. Раўніннасьць рэльефу, недастатковая водапранікальнасьць верхняга пласту покрыўных пародаў спрыяюць шырокаму разьвіцьцю балотаў і забалочаных земляў, якія займаюць паўднёвую і паўднёва-ўсходнюю часткі вадазбору. Балоты нізінныя, зь іх значная частка асушаная.
[рэдагаваць] Гаспадарчая дзейнасьць
Мухавец — судаходная рака (ад Кобрыня да Берасьцейскага рачнога порту, ніжэй якога разьмешчаная грэбля). Рака злучана Дняпроўска-Бускім каналам з ракой Прыпяць.
Значная плошча басэйну (27%) у межах Беларусі па стане на 01.01 2006 р. мэліяраваная, здадзена ў эксплуатацыю каля 8300 км адкрытай асушальнай сеткі каналаў.
У сувязі з тым, што рэчышча зашлюзаванае і каналізаванае, натуральны рэжым ракі скажоны.
[рэдагаваць] Вонкавыя спасылкі
- GeoTravel.ru: Рака Мухавец, фотаальбом (14 здымкаў)
- Анатоль Гладышчук, Муха + Вец
- А. Гладышчук, Мой родны кут (дакумэнтацыя роваравай экспэдыцыі ад вусьця да вытокаў ракі Мухавец)
[рэдагаваць] Крыніцы
- Блакiтная кнiга Беларусi: Энцыкл. / БелЭн; Рэдкал.: Н.А. Дзiсько i iнш. –Мн.: БелЭн, 1994.
- Гідрамэтцэнтар Беларусі
