Мэтэарызм

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Мэтэарызм (грэц. μετεωρισμός — уздуцьце) — зьбіраньне ў кiшачнiку завялiкай колькасьці газаў у выніку іх павышанага ўтварэньня і парушэньня вывядзеньня. Ускладненьне хваробы выклікае нэўроз, перабоі ў працы сэрца, пачашчанае сэрцабіцьцё, боль у цягліцах і парушэньне сну. Найбольш пашыраны сярод дзяцей і людзей пажылога ўзросту.

Чыньнікі[рэдагаваць | рэдагаваць крыніцу]

Газаўтварэньне ўзмацняецца праз ужыцьцё вугляводаў і грубай расьліннай абалоніны, газаваных напояў, зброджвальных (бараніна, квас, піва, разынкі і чорны хлеб) і малочных вырабаў. Таксама немачы спрыяе павышанае заглытваньне паветра (аэрафагія) пры размове падчас ежы, пасьпешлівым праглынаньні ежы, піцьці праз саломінку, жаваньні гумкі, паленьні і нашэньні зубных пратэзаў. Нядужасьць можа выклікацца і хваробамі стрававальнага тракта (атанія кішачніка, дысбактэрыёз, каліт і панкрэатыт).

Праявы[рэдагаваць | рэдагаваць крыніцу]

Пры немачы адзначаецца ўздуцьце і буркатаньне жывата. Хвароба суправаджаецца прыступамi болю (газавая коліка) перад выхадам газаў, млоснасьцю, адрыжкай, непрыемным прысмакам у роце і зьніжэннем апэтыту[1].

Крыніцы[рэдагаваць | рэдагаваць крыніцу]