Міс Інтэркантынэнталь

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Міжнародны конкурс Міс Інтэркантынэнталь быў заснаваны ў 1971 годзе, калі выспа Аруба, якая адносіцца да нідэрляндзкіх валадарстваў, вырашыла прыняць і правесьці першы фінал міжнароднага жаночага конкурсу ў сябе на высьпе для прыцягненьня турыстаў са ўсяго сьвету. Пасьля гэтага дырэктара конкурсу і арганізацыйныя камітэты з ювэлірнай дакладнасьцю спраектавалі конкурс зь яго правіламі і рэглямэнтам, што прывяло да велізарнага посьпеху на працягу апошніх 36 гадоў.

Пасьля Арубы конкурс праходзіў у самых розных частках сьвету. Летась ён адбыўся на Багамах, у пазамінулым у Кітаі, трохі раней у Нямеччыне.

З 1998 была таксама заснаваная мужчынская вэрсія конкурсу Містэр Інтэркантынэнталь.

Перамога ў конкурсе Міс Інтэркантынэнталь адкрывае перад мадэлямі ўсе шляхі для дасягненьня прафэсійнай кар'еры. Так, пераможца конкурсу 1993 году Вэрона Фэльдбуш стварыла адну з самых яркіх кар'ер у гісторыі нямецкага тэлебачаньня. Пазьней Вэрона была вядомая як жонка ўдзельніка групы Modern Talking Дытэра Болена і, на сёньняшні дзень, Вэрона адна з самых вядомых асоб у Нямеччыне.

Пераможца 2001 году Ліхія Пэці вядомая ў нас па шматлікіх вэнэсуэльскіх сэрыялах («Куаіма»-2003, «Дзіўная Анастасія»-2004, «Расьпешчаная красуня»-2004, «Не нарадзіся прыгожай» («Ser Bonita no Basta»)-2005 і інш.).

Тытул «Міс Інтэркантынэнталь-2008» дастаўся 23-летняй Крысьціне Камарго з Калюмбіі

Карона пераможца пад назвай Oriental Holy Water каштуе 361 тысячу 446 даляраў ЗША. Яе стварэньне было натхнёнае плыньню вады як рэсурсу жыцьця, уяўлялай натуральную прыгажосьць і чысьціню жанчыны. Дызайн выкананы FUQI CHINA, афіцыйным ювэлірным фундатарам Міс Інтэркантынэнталь. Гэта самая дарагая карона з усіх міжнародных конкурсаў прыгажосьці.

Яна складаецца з 720 дыямэнтаў, сярод якіх самы буйны - 51/2 карата.