Міхал Лопат

Зьвесткі зь Вікіпэдыі — вольнай энцыкляпэдыі
Міхал Лопат
Michał Łopot(t)-Bykowski

Лопат (герб)
Асабістыя зьвесткі
Род Лопаты
Бацькі Станіслаў Лопат
Марыяна Стрыбэль
Жонка Ганна Часноўская, Катажына Мараўская
Дзеці Адам Лопат, Ігнацы Лопат
Рэгаліі
Ордэн Белага Арла, Ордэн сьвятога Станіслава

Міхал Лопат, таксама Міхал Лопат-Быкоўскі (па-польску: Michał Łopot(t)-Bykowski) — дзяржаўны дзеяч Рэчы Паспалітай.

Сям’я[рэдагаваць | рэдагаваць крыніцу]

Паходзіў з роду Лопатаў-Быкоўскіх герб Лопат, быў сынам стражніка польнага літоўскага Станіслава й Марыяны Стрыбэль. Быў жанаты двойчы: з Ганнай Часноўскай і Катажынай Мараўскай, меў дзяцей — Адама й Ігнацыя Лопатаў.

Біяграфія[рэдагаваць | рэдагаваць крыніцу]

У 1775 рашэньнем Падзелавага сойму атрымаў Бабруйскае староства ў 50-гадовую эмфітэўзу. Староста бабруйскі. У 1776 пасол на сойм ад старадубскага павету, у 1778 — ад ваўкавыскага. Абозны вялікі літоўскі ад 1776. У 1778—1780 дэпутат Пастаяннае Рады, у 1787—1789 маршалак Трыбуналу Літоўскага. Спрычыніўся да стварэньня Канстытуцыі 3 траўня. Падчас вайны з Расеяй у 1792 падпісаў разам з 130 прадстаўнікамі наваградзкае шляхты зварот да караля, дзе выказваў сваю вернасьць і гатовасьць працягваць барацьбу.

Дарадца Таргавіцкае канфэдэрацыі Наваградзкага павету. Пасол ад павету на Гарадзенскі сойм 1793 году. Атрымаўшы падтрымку прадстаўніка Расеі Якаба Сівэрса, увайшоў у склад соймавае дэпутацыі для заключэньня паразуменьня адносна падзелаў з Расейскай імпэрыяй і Прускім каралеўствам.

За сваю дзейнасьць на Падзелавым сойме падазраваўся ў данасіцельстве Восіпу Ігельстрому. У сакавіку 1794 быў моцна зьбіты кіем у Наваградку. За колькі дзён да пачатку паўстаньня пад кіраўніцтвам Касьцюшкі, каб пазьбегнуць арышту інсургентамі, здолеў уцячы.

Узнагароджаны Ордэнам Белага Арла й Ордэнам Сьвятога Станіслава.

Літаратура[рэдагаваць | рэдагаваць крыніцу]

  • A. Zahorski. Michał Łopot // Polski Słownik Biograficzny. T. XVIII. W-wa — Krawów, 1973. S. 413—414.

Вонкавыя спасылкі[рэдагаваць | рэдагаваць крыніцу]