Намір Нур-Эльдзін

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Намір Нур-Эльдзін
Род дзейнасьці фатограф
Дата нараджэньня 1 верасьня 1984
Месца нараджэньня Масул, Ірак
Дата сьмерці 12 ліпеня 2007 (22 гады)
Месца сьмерці Багдад, Ірак

Намір Нур-Эльдзін (1 верасьня 198412 ліпеня 2007) — ірацкі фотажурналіст-фрылансэр, расстраляны амэрыканскім вайсковым шрубалётам у Багдадзе[1].

Жыцьцяпіс[рэдагаваць | рэдагаваць крыніцу]

Намір Нур-Эльдзін нарадзіўся 1 верасьня 1984 у Масуле[2][3]. З дзяцінства цікавіўся фота- і відэаздымкай, і стаў адным зь першых фатографаў, падрыхтаваных агенцыяй Reuters ў рамках стратэгіі па найманьні фотажурналістаў з моцнымі ведамі мясцовасьці і магчымасьцю досягу на тэрыторыі, якія лічыліся вельмі небясьпечнымі для працы заходніх рэпартэраў.

Першапачаткова працаваў у Масуле[4], дзе заслужыў добрую рэпутацыю сваімі фотаздымкамі і імкненьнем хутка зьяўляцца на месцы атакаў, нават не зважаючы на небясьпеку. Пасьля таго, як Нур-Эльдзін пачаў атрымоўваць пагрозы ад ірацкіх паўстанцаў, яго перавялі ў Багдад[4][5]. Падчас працы тут яму прастрэлілі нагу, некалькі разоў ламалі нос, затрымоўвалі і пагражалі, але ён не губляў энэргіі й аптымізму[3].

Сьмерць[рэдагаваць | рэдагаваць крыніцу]

Асноўны артыкул: Авіяўдар у Багдадзе 12 ліпеня 2007 году
Матэрыял з камэры AH-64 Apache, які празь некалькі хвілінаў адкрыў агонь па асобах на зямлі, сярод якіх знаходзіўся і Намір

12 ліпеня 2007 году, пасьля некалькіх перастрэлак, два амэрыканскія шрубалёты AH-64 Apache заўважылі на адной з вуліцаў Багдаду купку людзей. Палічыўшы некаторых зь іх узброенымі, адкрылі па іх агонь. Нур-Эльдзін і ягоны кіроўца Саід Чмагх падчас гэтага авіяўдару загінулі[6][7]. На момант сьмерці Наміру было 22 гады[2].

Нур-Эльдзін і Чмагх сталі пятым і шостым супрацоўнікамі «Reuters», забітымі ў Іраку з часу пачатку амэрыканскае апэрацыі ў 2003 годзе[8]. Усе шасьцёра забітыя амэрыканскімі жаўнерамі[3].

Агалоска[рэдагаваць | рэдагаваць крыніцу]

Расстрэл і сьмерць Нур-Эльдзіна апісаныя ў 2009 годзе ў кнізе Дэвіда Фінкела(en) «Добрыя жаўнеры» (па-ангельску: «The Good Soldiers»)[9].

5 красавіка 2010 году відэазапіс здарэньня, запісаны адным са шрубалётаў, і перамовы па радыё, былі выкладзены на сайце Wikileaks[6].

Крыніцы і заўвагі[рэдагаваць | рэдагаваць крыніцу]

  1. ^ McGreal, Chris (5 красавіка 2010) Wikileaks reveals video showing US air crew shooting down Iraqi civilians(анг.). The GuardianПраверана 5 красавіка 2010 г.
  2. ^ а б Kiss, Jemima (12 ліпеня 2007) Reuters staff killed in Iraq(анг.). The GuardianПраверана 5 красавіка 2010 г.
  3. ^ а б в Namir Noor-Eldeen and Saeed Chmagh(анг.). The Baron. Праверана 6 красавіка 2010 г.
  4. ^ а б Rubin, Alissa J. (13 ліпеня 2007) 2 Iraqi Journalists Killed as U.S. Forces Clash With Militias(анг.). The New York TimesПраверана 5 красавіка 2010 г.
  5. ^ Kamber, Michael (6 красавіка 2010) Remembering Namir Noor-Eldeen(анг.). The New York TimesПраверана 6 красавіка 2010 г.
  6. ^ а б Bumiller, Elisabeth (5 красавіка 2010) Video Shows U.S. Killing of Reuters Employees(анг.). The New York TimesПраверана 5 красавіка 2010 г.
  7. ^ Franke-Ruta, Garance (5 красавіка 2010) Web site releases video of Baghdad attack that killed 2 journalists. The Washington PostПраверана 5 красавіка 2010 г.
  8. ^ Iraqi doctor working for Danish NGO killed(анг.). газэта «The Peninsula» (13 ліпеня 2007). Праверана 5 красавіка 2010 г.
  9. ^ Tyson, Ann Scott (15 верасьня 2009) Military’s Killing of 2 Journalists in Iraq Detailed in New book(анг.). The Washington PostПраверана 5 красавіка 2010 г.

Вонкавыя спасылкі[рэдагаваць | рэдагаваць крыніцу]