Натальля Падольская

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Натальля Падольская
Дата нараджэньня 20 траўня 1982 (31 год)
Месца нараджэньня Магілёў, БССР
Гады творчасьці 2003
Краіна Расея
Нацыянальнасьць беларуска
Прафэсіі сьпявачка
Жанры поп-музыка

Ната́льля Падо́льская (нарадзілася 20 траўня 1982, Магілёў) — беларуская сьпявачка, што прадстаўляла Расею на конкурсе песьні «Эўрабачаньне-2005» 21 траўня 2005 году ў Кіеве, дзе заняла 15-е месца.

У 2008 годзе зьмяніла беларускае грамадзянства на расейскае[1].

Раньнія гады[рэдагаваць | рэдагаваць крыніцу]

Натальля разам са сваёй сястрой-блізьнёй Юліяй нарадзілася 20 траўня 1982 году ў Магілёве. Зь дзевяцігадовага ўзросту пачала навучацца сьпевам у калектыве Студыя «W» Магілёўскага ліцэя музыкі і харэаграфіі. Паралельна з тым займалася ў музычнай школе па клясе фартэпіяна. У складзе Студыі «W» выступала ў Бэльгіі, Нямеччыне і Польшчы, станавілася ляўрэатам конкурсаў «Зорная ростань» (Беларусь), «Магутны Божа» (Беларусь) і «Goldenfest» (Польшча).

З 1999 па 2004 год была студэнткай Беларускага інстытуту правазнаўства, які скончыла з чырвоным дыплёмам. Адначасова працягвала набываць сцэнічны досьвед і пашыраць свой рэпэртуар сольнай выканаўцы. Натальля рэгулярна прымала ўдзел у музычных імпрэзах на радыё і тэлебачаньні, і двойчы — у 2002 і 2003 гадах — яна станавілася фіналісткай беларускага нацыянальнага тэлефэстывалю «На скрыжаваньнях Эўропы».

У 2002 годзе, па прапанове прадусара, рэжысэра і аўтара песень Ігара Камінскага, паступіла на дзённае аддзяленьне вакалу Маскоўскага інстытуту сучаснага мастацтва і пераехала ў Маскву.

Вядомасьць прыйшла да Натальлі ў 2002 пасьля яе выступу на фэстывалі «Славянскі Базар» у Віцебску, дзе яна атрымала трэцюю прэмію. Увосень таго жа году ў Празе 16 сябраў міжнароднага журы фэстывалю ляўрэатаў нацыянальных конкурсаў FIDOF (міжнароднае задзіночаньне арганізатараў музычных фэстываляў) UNIVERSETALENT Prague 2002 вельмі высока адзначылі яе выступ: Натальля Падольская перамагла ў катэгорыях «Найлепшая песьня» і «Найлепшы выканаўца».

Сольная кар’ера[рэдагаваць | рэдагаваць крыніцу]

2003[рэдагаваць | рэдагаваць крыніцу]

На пачатку 2003 году Майкл Джэй і Раян Лобшэр адмыслова для Натальлі напісалі песьню «Unstoppable» і прапанавалі сьпявачке выступіць зь ёй на «Эўрабачаньні-2004» ад Вялікабрытаніі. Аднак Падольская настойвала на тым, што на конкурсе песьні «Эўрабачаньне» будзе прадстаўляць толькі сваю родную Беларусь.

2004[рэдагаваць | рэдагаваць крыніцу]

У 2004 годзе Натальля Падольская прайшла праслухоўваньні і стала ўдзельніцай расейскай «Фабрыкі зорак», дзе яе сустрэў Віктар Дробыш, вядомы прадусар і аўтар песень. Зь яго дапамогай Натальля запісала свой першы альбом «Поздно» («Позна»), які выйшаў у сьнежні 2004 году. Гэты дэбютны альбом быў вельмі пасьпяховым. На плытцы запісана 13 песень аўтарства расейскіх кампазытараў. Паказальным таксама зьяўляецца тое, што ў альбом увайшла беларуская народная песьня «Рэчанька».

2005[рэдагаваць | рэдагаваць крыніцу]

Адрынутая беларусамі Натальля вырашыла патрапіць на «Эўрабачаньне» як прадстаўніца Расеі. У лютым 2005 году на расейскім нацыянальным адборачным конкурсе расейскія тэлегледачы абралі пераможцай менавіта яе зь песьняй «Nobody Hurt No One».

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Натальля Падольскаясховішча мультымэдыйных матэрыялаў