Нафтан Наваполацак

Нафтан Наваполацак
Поўная назва	Футбольны клюб «Нафтан Наваполацак»
Заснаваны	1963
Горад	Наваполацак, Беларусь
Стадыён	«Атлянт» Умяшчальнасьць: 4500
Прэзыдэнт	Леанід Падліпскі
Галоўны трэнэр	Павал Кучараў
Чэмпіянат	Вышэйшая ліга
· 2012	9 месца
Хатнія колеры Выязныя колеры
Афіцыйны сайт

«Нафтан» — беларускі футбольны клюб з гораду Наваполацак, заснаваны ў 1963 годзе. З 1996 году ўдзельнічае ў Вышэйшай лізе Беларусі (акрамя 2002 году). Двухразовы ўладальнік Кубка Беларусі (2009, 2012).

Гісторыя

Першыя футбольныя каманды ў Наваполацку зьявіліся яшчэ ў 1959 годзе, якія прадстаўлялі трэст №16 «Нафатабуд». Аднак, калі пачаў сваю працу пабудаваны нафтапераапрацоўчы завод, клюб прадпрыемства «Нафтавік» пачаў браць удзел у абланых спаборніцтвах. Да клюбу адрызу прыйшлі посьпехі, то бок, атрымаўшы перамогу ў фінале ў гульні супраць віцебскага «Станкабудаўніку», клюб стаў уладальнікам Кубка Віцебскай вобласьці. На той момант асноўны склад клюбу будаваўся на арэнбурцах, працаўніках Орскага ПНЗ, які прыяжджалі ў Наваполацак паводле пераводу на працу.

У 1965 годзе «Нафтавік» стаўся ўладальнікам Кубак БССР. На шляху да перамогі, былі пасьлядоўна пераадолены магілёўскі «Мэталюрг», зборная Петрыкава й берасьцейскі «Лякаматыў». Аднак у першынстве БССР значных пасьпехаў клюб ня зьведаў. З 1965 па 1974 гады каманда праводзіла ў першым і другім дывізіёнах. У 1966 годзе клюб быў зьняты са спаборніцтваў з-за адсутнасьці турнірнірнай пэрспэктывы, а сэзоны 1969 і 1970 гадоў і наогул прапусьціў. У 1974 годзе «Нафтавік» узяў свой апошні ўдзел у чэмпіянаце БССР.

У сярэдзіне 1980-х гадоў адбылося адраджэньне клюбу, што сталася заслугай працаўнікоў на прыстасаваньнях комплексу па вытворчасьці вадкіх парафінаў. Новы клюб атрымаў назву «Парэкс». Аднак, як і «Нафтавік», клюб меў аматарскі статус. Празь некалькі гадоў станаўленьня клюбу была вернута папярэдняя назва, такім чынам клюб зноўку быў вернуты ў розыгрышы нацыянальных спаборніцтваў. У 1989 годзе «Нафтавік» атрымаў бронзавыя мэдалі абласнога першынства, на наступны год клюб дамогся другога месца ў абласным спаборніцтве. У 1991 годзе клюб атрымаў назву «Нафтан», і адраўзу стаўся пераможцам турніру прафзьвязаў БССР.

У 1992—1996 гадох каманда, атрымліваючы фінансавую падтрымку з боку нафтапераапрацоўчага заводу, канчаткова атрымала прафэсійны статус.

Былыя назвы

• «Нафтан» (1992—1994).
• «Нафтан-Дэвон» (1995—2000).
• «Нафтан» (з 2001).

Дасягненьні

• Найвышэйшае дасягненьне ў чэмпіянатах Беларусі — 4-е месца (2009)
• Уладальнік Кубка Беларусі: 2009, 2012
• Самая буйная перамога — 6:0 (Атака Менск, 1997)
• Самая буйная параза — 0:8 (БАТЭ, 2000)

Актуальны склад

Па стане на 28 сакавіка 2013 году

№ Пазыцыя Імя Год нараджэньня 1 Бр Мікалай Раманюк 1984 3 Аб Дзяніс Абразаў 1988 4 Аб Мікалай Бранфілаў 1977 7 ПА Мурат Хотаў 1987 8 ПА Юры Чонка 1991 9 Нап Андрэй Пруднікаў 1984 10 Нап Ягор Зубовіч 1989 11 Нап Аляксандар Алумона 1983 12 ПА Аляксандар Дзегцяроў 1986 15 Аб Ігар Бурак 1983 16 Бр Ігар Даўгяла 1985 17 ПА Сяргей Корсак 1989

№ Пазыцыя Імя Год нараджэньня 20 ПА Арцём Цяплоў 1992 21 ПА Яўген Елязаранка 1993 22 ПА Андрэй Баранок 1979 23 Аб Мікіта Навумаў 1989 30 ПА Алег Шкабара 1983 31 ПА Абдулазіз Лавал 1992 33 Аб Ігар Зюлеў 1984 35 ПА Руслан Гунчак 1979 40 ПА Дзьмітры Саколка 1994 77 Бр Аляксандар Адаменка 1993 Нап Мікіта Шугункоў 1989

Удзел у эўракубках

Сэзон	Кубак	Раўнд		Клюб	Дома	У гасьцях
2009—2010	Ліга Эўропы	2 к/р		Гент	2:1	0:1
2012—2013	Ліга Эўропы	2 к/р		Црвена Зьвезда Бялград	3:4	3:3

Галоўныя трэнэры

• Павал Кучараў (зь сьнежня 2012 году)
• Ігар Кавалевіч (да сьнежня 2012 году)

Вонкавыя спасылкі

• Афіцыйная старонка ^(рас.)