Нацыянальная бібліятэка Беларусі

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Нацыянальная бібліятэка Беларусі
Нацыянальная бібліятэка
Новы будынак
Абрэвіятура НББ
Папярэднік Бібліятэка БДУ
Дата ўтварэньня 15 верасьня 1922 (91 год таму)
Тып Бібліятэка
Юрыдычны статус Дзяржаўная ўстанова
Штабкватэра Менск, пр. Незалежнасьці, д. 116
Каардынаты 53°55′53″ пн. ш. 27°38′46″ у. д. / 53.93139° пн. ш. 27.64611° у. д. / 53.93139; 27.64611
Кіраўнік Раман Матульскі
Кіроўны орган Рада
Матчына кампанія Міністэрства культуры Рэспублікі Беларусь
Сайт www.nlb.by
Колішняя назва Беларуская дзяржаўная і ўнівэрсытэцкая бібліятэка (да 14 траўня 1926 г.), Беларуская дзяржаўная бібліятэка (да 10 жніўня 1932 г.), Дзяржаўная бібліятэка БССР (да 19 траўня 1992 г.)

Нацыянальная бібліятэка Беларусі — галоўнае ўнівэрсальнае навуковае кнігасховішча Беларусі, заснаванае ў 1922 годзе на аснове бібліятэкі Беларускага дзяржаўнага ўнівэрсытэту. Пры бібліятэцы дзейнічаюць музэй кнігі, 4 мастацкія галерэі і канфэрэнц-зала (490 месцаў). Час працы ў будні — 10:00—21:00. У выходныя (субота, нядзеля) — 10:00—18:00. Пры плаце за чытацкі білет патрабуецца пашпарт. Захоўвае звыш за 9 млн дакумэнтаў 15—21 стагодзьдзяў на больш як 50 мовах (відэа- і гуказапісы, газэты, кнігі, лічбавыя дакумэнты, мапы, мікрафільмы, навуковыя дысэртацыі, ноты, паштоўкі, плякаты, рукапісы, рэпрадукцыі карцін і часопісы).

Паслугі[рэдагаваць | рэдагаваць крыніцу]

За плату ажыцьцяўляюцца: агляд прэсы, ацэнка кошту і індэксаваньне выданьня, бібліяграфічная даведка, відэаздымкі, доступ у сеціва, капіяваньне, лямінаваньне, наведваньне агляднай пляцоўкі, пераплёт, правядзеньне мерапрыемстваў у канфэрэнц-зале, раздрукоўка, разьмяшчэньне абвестак, сканаваньне, складаньне сьпісу пісьмовых крыніц і экскурсіі.

Гісторыя[рэдагаваць | рэдагаваць крыніцу]

Уваход у стары будынак

Пры заснаваньні ў бібліятэцы стварылі аддзел беларускай літаратуры і бібліяграфіі. Да 1926 г. пры ёй дзейнічала Беларуская кніжная палата. За 1929—1932 гг. узьвялі адмысловы будынак бібліятэкі ў стылі канструктывізму (архітэктар Георгі Лаўроў) з агульнай (400 месцаў) і навуковай чытальнямі. На 1932 г. захоўвала звыш мільёна выданьняў. Пры бібліятэцы заснавалі Бібліяграфічны інстытут БССР. Колькасьць чытачоў склала 15 тысячаў. Пасьля другой сусьветнай вайны ацалела 321 тысяча асобнікаў выданьняў. У 1948 г. бібліятэка колькасна аднавіла даваенны ровень сваіх запасаў. У 1956 г. стала сховішчам дакумэнтаў ААН і ЮНЭСКА. У 1960 г. пачала выдаваць штомесячны бібліяграфічны бюлетэнь «Новыя кнігі Беларусі». У 1961 г. пабудавалі дадатковы корпус. У 1975 г. бібліятэка стала ўнівэрсальным сховішчам Беларусі. У 1990 г. займела электронны каталёг. На пачатак 1996 г. захоўвала 7,3 млн выданьняў на больш як 50 мовах. За год выдала 500 тыс. чытачам звыш 3 млн асобнікаў выданьняў. Мела 14 чытальняў на 1000 месцаў. Ажыцьцяўляла кнігаабмен між амаль тысячай бібліятэк, у тым ліку 280 у 36 іншых краінах. За год ладзіла звыш 500 выставаў. Мела найбольшы ў Беларусі збор нотных выданьняў (77 тыс.)[1]. 16 чэрвеня 2006 г. адчыніўся новы будынак Нацыянальнай бібліятэкі Беларусі (20 чытальняў на 2000 месцаў). На 2011 г. 68% чытачоў атрымлівалі замоўленыя выданьні празь сеціва[2].

Кіраўнікі:

Крыніцы[рэдагаваць | рэдагаваць крыніцу]

  1. ^ Тацяна Мінчэня. Бібліятэка нацыянальная Беларусі // Беларуская энцыкляпэдыя ў 18 тамах / гал.рэд. Генадзь Пашкоў. — Менск: Беларуская энцыкляпэдыя імя Петруся Броўкі, 1996. — Т. 3. — С. 143-144. — 511 с. — 10 000 ас. — ISBN 985-11-0068-4
  2. ^ Ала Мачалава. Адкрытыя кнігі // Зьвязда : газэта. — 5 лютага 2011. — № 23 (26887). — С. 4. — ISSN 1990-763x.

Вонкавыя спасылкі[рэдагаваць | рэдагаваць крыніцу]

Commons-logo.svg  Нацыянальная бібліятэка Беларусісховішча мультымэдыйных матэрыялаў