Новасакольніцкі раён

Адміністрацыйна-тэрытарыяльная адзінка
Новасакольніцкі раён Новосокольнический район
Герб
Агульныя зьвесткі
Краіна	Расея
Статус	раён
Уваходзіць у	Пскоўскую вобласьць
Адміністрацыйны цэнтар	Новасакольнікі
Дата ўтварэньня	1927
Насельніцтва (2009)	17 400
Плошча	1616 км²
Месцазнаходжаньне Новасакольніцкага раёну
Мэдыя-зьвесткі
Часавы пас	UTC +3
Код аўтам. нумароў	60

Новасакольніцкі раён — адміністрацыйна-тэрытарыяльная адзінка на поўдні Пскоўскай вобласьці Расеі. Адміністрацыйны цэнтар — места Новасакольнікі.

Геаграфія

Плошча раёну — 1616 км².

Асноўныя рэкі — Насва, Вялікі Удрай, Сьмердзель, Малы Удрай.

Гісторыя

Раён утвораны 24 ліпеня 1927.

Дэмаграфія

Насельніцтва раёну складае 17,4 тыс. чалавек, у тым ліку ў мескіх умовах жывуць каля 9 тыс. Усяго налічваецца 274 населеныя пункты.

Адміністрацыйна-тэрытарыяльны падзел

У складзе раёну маецца 1 мескае і 9 сельскіх паселішчаў:

Мескія паселішчы

1. Новасакольніцкае мескае паселішча

Сельскія паселішчы

1. Балогаўскае сельскае паселішча
2. Вязаўскае сельскае паселішча
3. Гаражанскае сельскае паселішча
4. Маеўскае сельскае паселішча
5. Насьвінскае сельскае паселішча
6. Новасакольніцкае сельскае паселішча
7. Окнійскае сельскае паселішча
8. Першамайскае сельскае паселішча
9. Рунаўскае сельскае паселішча

Транспарт

Праз раён праходзяць шляхі Санкт-Пецярбург-Віцебскага аддзяленьня Кастрычніцкай чыгункі (кірункаў Санкт-Пецярбург — Езярышча і Масква — Рыга), ёсьць Новасакольніцкая дыстанцыя службы шляху ПЧ-45.

Асноўнымі для перавозак аўтамабільным транспартам у раёне зьяўляюцца аўтамабільная дарога федэральнага значэньня М-9 «Балтыя» (Масква — Валакаламск — мяжа з Латвіяй) і аўтадарога суб'ектаў Расейскай Фэдэрацыі Р51 (Шымск — Старая Руса — Вялікія Лукі — Невель).

Турыстычная інфармацыя

Выдатныя мясьціны

На тэрыторыі раёну маюцца два гістарычна-архітэктурныя помнікі рэспубліканскага значэньня. Гэта гарадзішча Востры (13—14 стст.), разьмешчанае ў Вязаўскай воласьці, і драўляная царква Ўнебаўзяцьця Найсьвяцейшай Багародзіцы (18—19 стст.) у Востраўскай воласьці.

Да прыродна-ляндшафтавых помнікаў належаць Чырыкаўскі парк у Гаражанскай воласьці і ліпавая алея ў в. Мінкіна Новасакольніцкай воласьці, створаныя напачатку 19 ст.

Страчаная спадчына

• У мяст. Сакольнікі (цяпер вёска Старасакольнікі) існаваў мураваны касьцёл і кляштар францішканаў (1794), які па задушэньні нацыянальна-вызваленчага паўстаньня (1863—1864) быў гвалтоўна перароблены на праваслаўную царкву.

Вонкавыя спасылкі

• Зьвесткі на сайце абласной адміністрацыі^(рас.)
• Афіцыйны сайт Новасакольніцкага раёну^(рас.)