Нью-Дэлі

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Нью-Дэлі
नई दिल्ली
Нью-Дэлі
Штат: Дэлі
Плошча: 42,7 км²
Насельніцтва (2001)
• колькасьць:
• шчыльнасьць:

302 363
9294
Часавы пас:
• летні час:
UTC+5:30
UTC+5:30
Тэлефонны код: +011
Паштовы індэкс: 110 ххх
Аўтамабільны код: DL-0
Геаграфічныя каардынаты: 28°07′ пн. ш. 77°02′ у. д. / 28.117° пн. ш. 77.033° у. д. / 28.117; 77.033Каардынаты: 28°07′ пн. ш. 77°02′ у. д. / 28.117° пн. ш. 77.033° у. д. / 28.117; 77.033
Нью-Дэлі на мапе Індыі
Нью-Дэлі
Нью-Дэлі
Нью-Дэлі
Commons-logo.svg Галерэя здымкаў у Wikimedia Commons
http://www.ndmc.gov.in/

Нью-Дэ́лі (гіндзі: नई दिल्ली; пэнджабі: ਨਵੀਂ ਦਿੱਲੀ, па-ангельску: New Delhi) — афіцыйная сталіца Індыі, зьяўляецца раёнам гораду Дэлі. Мае статус нацыянальнай сталічнай тэрыторыі (national capital territory). Нягледзячы на тое, што афіцыйна Нью-Дэлі зьяўляецца асобным горадам, на практыцы, ён мае агульную інфраструктуру з Дэлі і зьяўляецца адным зь яго прыгарадаў. Насельніцтва налічвае каля 320 тыс. чалавек.

Гісторыя[рэдагаваць | рэдагаваць крыніцу]

У старажытнасьці старая частка гораду была вядомая пад назвай Індрапрашта. У І тысячагодзьдзі н. э. горад быў сталіцай невялікай дзяржавы. У ХІІ стагодзьдзі Дэлі быў заваяваны мусульманамі і з 1206 году стаў сталіцай Дэлійскага султанату. З ХІV стагодзьдзя Дэлі быў заваяваны тымурыдамі. У 15261739 гадах горад быў сталіцай Вялікіх Маголаў. З 1803 году Дэлі перайшоў пад уладу брытанцаў. У 1912 годзе брытанцы перанесьлі сталіцу Індыі з Калькуты ў Нью-Дэлі, а з 1947 году стаў сталіцай незалежнай Індыі.

Клімат[рэдагаваць | рэдагаваць крыніцу]

Нью-Дэлі разьмяшчаецца ў паўночнай частцы Індыі ў Інда-Ганскай раўніне. Горад знаходзіцца ў сэйсмічна актыўнай зоне.

Клімат гораду рэзкакантынэнтальны. Тэмпэратура паветра вагаецца ад 40 °C летам да 4 °C зімой. Лета цягнецца большую частку году, з красавіка да кастрычніка з сэзонам мусонаў ў ліпені-жніўні. Зіма пачынаецца ў лістападзе і самая халодная яе частка прыходзіцца на студзень. Сярэдняя гадавая тэмпэратура дасягае 25 °C. Сярэднегадавая колькасьць ападкаў складае прыкладна 700 мм, большасьць якіх выпадае ў пэрыяд мусонаў (ліпень-жнівень).

Дэмаграфія[рэдагаваць | рэдагаваць крыніцу]

Насельніцтва Нью-Дэлі складае каля 320 тыс. чалавек, агульная колькасьць насельніцтва Дэлі складае каля 14,1 млн чалавек, што робіць гэты горад другім, пасьля Мумбаі, па колькасьці насельніцтва горадам Індыі.

82% насельніцтва Дэлі зьяўляюцца індуістамі, 11,7% — мусульмане, 4% — сітхі, 1,1% — джайністы, 0,9% — хрысьціяне.

Асноўнай мовай зьяўляецца гіндзі, але часта ўжываецца ангельская мова, пэнджабі і урду.

Эканоміка[рэдагаваць | рэдагаваць крыніцу]

У цэнтры Нью-Дэлі знаходзіцца Раджыў-Чоўк (адзін з буйнейшых камэрцыйных і фінансавых цэнтраў Індыі). Увогуле Дэлі зьяўляецца асноўным камэрцыйным цэнтрам Паўднёвай Азіі (унутраны прадукт гораду складае каля 830,85 млрд рупіяў).

Асноўнымі працадаўцамі ў Нью-Дэлі збяўляецца ўрад і розныя ўрадавыя ўстановы. Але таксама тут знаходзяцца прадстаўніцтвы буйных транснацыянальнык карпарацыяў, якія працуюць у сфэры інфармацыйных тэхналёгіяў, тэлекамунікацыяў, банкаўскай справы, турызма.

Гарады пабрацімы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Нью-Дэлісховішча мультымэдыйных матэрыялаў