Няміга (станцыя мэтро)
| Станцыя «Няміга» | |
|---|---|
| Аўтазаводзкая лінія | |
| Менскі мэтрапалітэн | |
| Дата адкрыцьця | 31 сьнежня 1990 |
| Колькасьць плятформаў | 1 |
| Тып плятформы | Астраўная |
| Даўжыня плятформы, м | 100 |
| Шырыня плятформы, м | 10 |
| Маб. апэратары | МТС, Velcom, Life:) |
Няміга — станцыя Аўтазаводзкай лініі Менскага мэтрапалітэну. Станцыя знаходзіцца ў гістарычным цэнтры города Менска і названая па імені ракі Нямігі.
Пры будаўніцтве станцыі вырашаліся складаныя археалягічныя, інжынерныя і горадабудаўнічыя задачы. Перадусім патрэбна было захаваць гістарычны падземны пласт культурнай спадчыны, які вякамі ствараўся ў гэтай зоне Менска. Вялізарнае значэньне мае і гістарычная забудова ў раёне станцыі. Зважаючы на гэтыя ўмовы, былі знойдзеныя нестандартныя канструктыўныя рашэньні па размяшчэньні тэхнічных памяшканьняў станцыі, умацаваньню падмуркаў існуючых будынкаў і абарона ад вібрацыі помнікаў архітэктуры.
Архітэктурна-мастацкае рашэньне падпарадкавана гістарычнай значнасьці месца размяшчэньня станцыі пры ўпадзеньні ў Сьвіслач ракі Няміга, дзе размяшчаўся Дзядзінец або Замчышча старажытнага Менска. У афармленьні інтэр'еру станцыі рэалізаваная тэма «драўлянага зруба» на калонах і на сценах пероннай залы ў спалучэньні з белым мармурам. Сьвяцільні нагадваюць форму карабельных ілюмінатараў, асьвятлюць ладзьдзю як элемэнт, што зьвязвае мінулае і сучаснасьць.
Глядзіце таксама[рэдагаваць]
 |
Гэта — накід артыкула пра мэтрапалітэн. Вы можаце дапамагчы Вікіпэдыі, пашырыўшы яго. |
