Ніл Фін

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Ніл Фін
Neil Finn, OBE
Neil Finn 231 (4966616192).jpg
Ніл Фін (2010)
Дата нараджэньня 27 траўня 1958 (55 гадоў)
Месца нараджэньня Сьцяг Новай Зэляндыі Тэ Авамуту
Гады творчасьці 1976 — цяпер
Прафэсіі музыка, аўтар песьняў
Інструмэнты сьпеў, гітара, укулеле, мандаліна, клявішныя, бас-гітара, бубны
Жанры рок, арт-рок, новая хваля, поп
Гурты
Супрацоўніцтва
Лэйблы Columbia
Узнагароды Ордэн Брытанскай імпэрыі
http://www.neilfinn.com

Кавалер Ніл Малэйн Фін (па-ангельску: Neil Mullane Finn; * 27 траўня 1958, Тэ Авамуту, Новая Зэляндыя) — новазэляндзкі музыка. Былы фронтмэн гурту «Split Enz» (разам з братам Цімам), а цяпер фронтмэн «Crowded House». Запісаў таксама некалькі пасьпяховых сольных альбомаў і сабраў разнастайных музыкаў для праекту «7 Worlds Collide».

Фін стаў вядомым напрыканцы 1970-х, замяніўшы сьпевака і складальніка песьняў Філа Джада ў братавым гурце «Split Enz». Падчас супрацоўніцтва з гуртом Ніл напісаў гіты «One Step Ahead», «History Never Repeats», «I Got You» і «Message to My Girl». Сусьветную вядомасьць Ніл Фін атрымаў пасьля развалу «Split Enz» у 1984, заснаваўшы ў наступным року «Crowded House». Гурт займеў міжнародны посьпех у 1987 року з выхадам самотніку «Don’t Dream It’s Over» Фінавага аўтарства.

У 1996 року Ніл Фін распусьціў «Crowded House», заняўшыся сольнай кар’ерай, і разам з братам Цімам выдаў два альбомы пад аўтарствам «Finn Brothers». У 2006, па сьмерці бубнача «Split Enz» і «Crowded House» Пола Гестэра Фін адрадзіў гурт, які праз 13 рокаў выдаў першы студыйны альбом, «Time on Earth».

У 2012 року напісаў песьню «Song of the Lonely Mountain» для фільму «Хобіт: Нечаканае падарожжа», да якой скампанаваў таксама музыку[1].

Сын Лаем Фін — таксама музыка, лідэр экспэрымэнтальнага рок-гурту «Betchadupa».

Крыніцы[рэдагаваць | рэдагаваць крыніцу]

  1. ^ Peter Holslin. (30 лістапада 2012) 'The Hobbit: An Unexpected Journey' Soundtrack Honors the Dwarves(анг.) Music News. Rolling Stone. Праверана 10 ліпеня 2013 г.

Літаратура[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Ніл Фінсховішча мультымэдыйных матэрыялаў