Паганка шэрашчокая
| Паганка шэрашчокая | |
.jpg) |
|
| Навуковая клясыфікацыя | |
|---|---|
| Царства | Жывёлы |
| Кляса | Птушкі |
| Атрад | Паганкападобныя |
| Сямейства | Паганкавыя |
| Від | Паганка шэрашчокая |
| Бінамінальная намэнклятура | |
| Podiceps grisegena | |
Паганка шэрашчокая, коўра шэрашчокая[1] (па-лацінску: Podiceps grisegena) — птушка з атраду паганкападобных (Podicipediformes) сямейства паганкавых (Podicipedidae). Рэдкі від, занесены ў Чырвоную кнігу Рэспублікі Беларусь.
Cярэдняя даўжыня цела паганкі шэрашчокай дасягае 40—46 сантымэтраў. Размах крылаў ад 80 да 85 сантымэтраў. Важыць птушка каля 500—800 грамаў. Галава невялікая, зь невялікім чубчыкам на патыліцы. Дзюба чорная, прамая, жаўтаватая каля заснаваньня. Палавы дымарфізм ня вызначаны, самец і самка маюць аднолькавую афарбоўку пер’я.
Зьмест |
[рэдагаваць] Жыцьцёвы арэал
У Цэнтральнай Эўропе шэрашчокая паганка сустракаецца толькі ў Польшчы і Шлезьвігу-Гальштэйне, але дастаткова рэдка. Асноўнай тэрыторыяй пашырэньня альбо гнездавальнымі рэгіёнамі зьяўляюцца Ўсходняя Эўропа, на поўначы птушка селіцца да Цэнтральнай Фінляндыі, на поўдні да Чорнага мора. Зімуюць па ўзьбярэжжы Балтыйскага мора на вялікіх азёрах, а таксама на ўсходніх частках узбярэжжа Міжземнага мора.
[рэдагаваць] Голас
Голас[2] шэрашчокай паганкі часьцей за ўсё чуваць у такавальны і гнездавальны пэрыяд.
[рэдагаваць] Размнажэньне
Таксама як і вялікая паганка альбо чомга (Podiceps cristatus) шэрашчокая паганка мае яскрава вызначаныя такавальныя паводзіны. Гняздо птушка будуе з частак расьліннасьці, якія добра трымаюцца на паверхні вады, і хавае яго ў берагавой вэгетацыі. Напрыканцы красавіка ў гнязьдзе зьяўляюцца ад 4 да 5 яек. Зьявіўшыся на сьвет, птушаняты адразу ж пачынаюць уцякаць з гнязда, а ў першыя тыдні жыцьця перапраўляюцца разам з самкай на яе сьпіне.
[рэдагаваць] Меры аховы
Да адной зь мераў аховы рэдкага віда адносіцца забарона адлову рыбы сеткамі на вадаёмах, дзе гнезьдзіцца шэрашчокая паганка[3].
[рэдагаваць] Крыніцы
- ^ Красная книга Республики Беларусь. Серощекая поганка(рас.)
- ^ Голас шэрашчокай паганкі, mp3, даўжыня 40 с.
- ^ Серощёкая поганка, Красная Книга Челябинской области (рас.)
[рэдагаваць] Вонкавыя спасылкі
 |
Гэты від занесены ў Чырвоную кнігу Рэспублікі Беларусь і ахоўваецца законам. |
Паганка шэрашчокая — сховішча мультымэдыйных матэрыялаў
- Беларускі паляўнічы партал, Паганка шэрашчокая(рас.)
- Чырвоная кніга Беларусі, Шэрашчокая паганка, slounik.org
- Птушкі Сярэдняй Сібіры: Шэрашчокая паганка(рас.)
- Фотаздымкі, інфармацыя, natur-lexikon.com(ням.)
- Фотаздымкі шэрашчокай паганкі (нямецкі партал птушак)
