Палітычная партыя

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Паліты́чная па́ртыя — незалежнае грамадзкае аб’яднаньне, якое мае ўстойлівую структуру і сталы характар дзейнасьці, і якое выказвае палітычную волю сваіх чальцоў і прыхільнікаў, што ставіць сваімі задачамі ўдзел у вызначэньні палітычнага курсу дадзенай дзяржавы, у фармаваньні органаў, у тым ліку прадстаўнічых, дзяржаўнай улады й кіраваньня. Партыі ўдзельнічаць у выбарчых кампаніях, асьветніцкай дзейнасьці й акцыях пратэсту. Яны прытрымліваюцца пэўнай ідэалёгіі альбо бачаньня структуры дзяржавы й грамадзтва, падмацаванага пісьмовай плятформай з канкрэтнымі мэтамі, а таксама здольны сфармаваць кааліцыю з іншымі партыямі нават рознага палітычнага кірунку.

Гісторыя[рэдагаваць | рэдагаваць крыніцу]

Тэрмін «партыя» існуе яшчэ са старажытнарымскіх часоў, а панятак «палітычная партыя» як мы разумеем яго зараз ёсьць твор найноўшай эпохі. Вядома, розныя палітычныя групы, клюбы й клікі такія ж старыя, як і сама палітыка, але палітычныя партыі ў сучасным іх значэньні цесна зьвязаныя са станаўленьнем і разьвіцьцём прадстаўнічай дэмакратыі й асноўнага ейнага элемэнта — парлямэнтарызму як формы й мэтаду арганізацыі й ажыцьцяўленьня ўлады.

У большасьці заходніх дэмакратычных краінаў ўзьнікненьне палітычных партыяў адбывалася разам з распаўсюджваньнем права ўдзелу ў выбарах на ўсё больш шырокіх слаёў грамадзтва. Пашырэньня народнага прадстаўніцтва ўва органах улады не магло не паўплываць на сам мэханізм выбарчага працэсу й ягоных дзеючых асобаў. Палітыкі не маглі больш ігнараваць значную колькасьць сваіх патэнцыйных прыхільнікаў. З ростам колькасьці асобаў, якія ня толькі мелі права абіраць, але й права быць абранымі, зьявілася небясьпека беспарадкаў у вольным палітычным суперніцтве. Ува ўмовах, калі на палітычнай арэне адбываецца пярэстая мітусня вялікай колькасьці кандыдатаў з рознакаляровымі палітычнымі лёзунгамі й праграмамі, выбаршчык ў такім хаосе палітычных сьцягоў наўрад ці змог бы зрабіць абдуманы й ўзважаны выбар.

Вонкавыя спасылкі[рэдагаваць | рэдагаваць крыніцу]