Партызанск

Партызанск
Партизанск
Герб Партызанску Сьцяг Партызанску
Першыя згадкі:	1896
Горад з:	1932
Плошча:	1288,6 км²
Насельніцтва:	40 815
Часавы пас: • летні час:	UTC+10 UTC+11
Тэлефонны код:	+7 42363
Паштовы індэкс:	692864
Аўтамабільны код:	25, 125
Геаграфічныя каардынаты:	43°08′ пн. ш. 133°08′ у. д.
Партызанск на мапе Расеі Партызанск
http://www.partizansk.org/

Партызанск (па-расейску: Партизанск) — горад краявога падпарадкаваньня ў Расеі. Насельніцтва 40,8 тыс. чал. (2008). Заснаваны ў 1896 годзе.

Горад разьмешчаны ў даліне ракі Партызанская, у 50 кілямэтрах на поўнач ад Находкі, у 172 км на ўсход ад Уладзівастоку. Чыгуначная станцыя.

Паселішча было заснавана ў 1896 як шахцёрскі пасёлак Суча́нскі Руднік (названы па ранейшай кітайскай назве ракі Партызанскай — «Сучан»), 27 красавіка 1932 пасёлак атрымаў статус гораду і імя Сучан.

У 1930-х горад называўся Гамарнік у гонар ваеннага камісара Яна Гамарніка, які быў старшынём Прыморскага крайвыканкаму з 1923 па 1928. У 1937, калі Гамарнік скончыў жыцьцё самагубствам і быў абвешчаны «ворагам народа», гораду была вернута ранейшая назва Сучан.

26 сьнежня 1972 у выніку кампаніі па ліквідацыі кітайскіх назваў на Далёкім Усходзе, якая стала вынікам савецка-кітайскага ўзброенага канфлікту на высьпе Даманскай, горад быў паўторна перайменаваны ў «Партызанск».