Пэньяроль Мантэвідэо

Зьвесткі зь Вікіпэдыі — вольнай энцыкляпэдыі
(Перанакіравана з «Пэньняроль Мантэвідэо»)
Пэньяроль
Поўная назва Club Atlético Peñarol
Заснаваны 28 верасьня 1891
Горад Мантэвідэо, Уругвай
Стадыён Кампэон-дэль-Сыглё
Умяшчальнасьць: 40 000
Чэмпіянат Прэм’ер Дывізіён
 · 2023 2 месца
Хатнія колеры
Выязныя колеры
Галерэя здымкаў у Вікісховішчы
Афіцыйны сайт

«Пэньяро́ль» (па-гішпанску: Club Atlético Peñarol) ― уругвайскі футбольны клюб з гораду Мантэвідэо, гуляе ў Прэм’ер Дывізіёне. Адзін з самых тытуляваных футбольных клюбаў краіны. Клюб быў закладзены 28 верасьня 1891 году ангельскімі інжынэрамі пад назовам «Цэнтральны ўругвайскі чыгуначны крыкетны клюб» (па-ангельску: Central Uruguay Railway Cricket Club). Але зь цягам часу назоў клюбу зьмяніўся й стаў называцца як і раён, дзе клюб базаваўся ― «Пэньяроль», у гонар італьянцкага фэрмэра Пэдра Піньярола, які меў тут фазэнду[1]. Колерамі клюбу былі абраны жоўты й чорны, як традыцыйныя для ангельскіх клюбаў, што маюць дачыненьне да чыгункі[2].

«Пэньяроль» на дадзены момант зьяўляецца рэкардсмэнам па колькасьці перамогаў у нацыянальным чэмпіянаце — 50, зь іх 38 былі набыты ў прафэсійную эпоху. Асацыяцыя футбола Ўругваю (АФУ) не прызнае тытул клюбу, які ён набыў у 1924 годзе ў рамках спаборніцтва, якое было арганізавана апазыцыйнай да АФУ Фэдэрацыяй уругвайскага футболу (ФУФ). Акрамя таго, АФУ не разглядае чэмпіянат 1926 году, як поўнасьцю афіцыйны. Такім чынам, з пункту гледжаньня АФУ ў «Пэньяролю» толькі 48 тытулаў, а з пункту гледжаньня самаго клюбу і клюбаў-удзельнікаў тых спаборніцтваў — 50.

Галоўным ворагам і антаганістам клюбу на працягу ўсёй гісторыі разьвіцьця ўругвайскага футболу зьяўляецца «Насьяналь». Гэты клюб не прызнае «Пэньяроль» у якасьці спадкаемцы чыгункавага клюбу й сьцьвярджае, што тытулаў у клюбу 43, а не 50.

На міжнароднай арэне «Пэньяроль» зьяўляецца найлепшым уругвайскім клюбам. Толькі аргентынскія «Індэпэнд’ентэ» й «Бока Хуніёрс» маюць больш перамогаў у Кубку Лібэртадорэс, чым уругвайскі клюб. Тройчы «Пэньяроль» перамагаў у неіснуючым на сёньня Міжкантынэнтальным кубку, прычым жоўта-чорныя першымі дамагліся гэтага паказчыка. Пазьней зь імі параўналіся яшчэ чатыры клюбы — аргентынскі «Бока Хуніёрс», уругвайскі «Насьяналь», італьянскі «Мілян» і гішпанскі «Рэал Мадрыд».

Чатырнаццаць гульцоў «Пэньяролю» станавіліся ў складзе зборнай Уругваю чэмпіёнамі сьвету. Аснову «Сэлестэ», якая перамагла на мундыялі ў 1950 годзе, складалі гульцы «Пэньяролю».

Шмат гадоў «Пэньяроль» утрымліваў першы радок у рэйтынгу КОНМЭБОЛ, і толькі ў 2007 годзе саступіў гэтую пазыцыю «Бока Хуніёрс». У верасьні 2009 году IFFHS аб’явіла пра тое, што яна прызнала «Пэньяроль» найлепшым клюбам XX стагодзьдзя ў Паўднёвай Амэрыцы. «Пэньяроль» з 531 балам апярэдзіў «Індэпэнд’ентэ» (426,5) й «Насьяналь» (414), але па агульным ліку саступіў гішпанскаму «Рэалу» (563,5)[3][4].

Дасягненьні[рэдагаваць | рэдагаваць крыніцу]

  • Чэмпіён Уругваю: (51)
    • 1900, 1901, 1905, 1907, 1911, 1918, 1921, 1928, 1929, 1932
    • 1935, 1936, 1937, 1938, 1944, 1945, 1949, 1951, 1953, 1954
    • 1958, 1959, 1960, 1961, 1962, 1964, 1965, 1967, 1968, 1973
    • 1974, 1975, 1978, 1979, 1981, 1982, 1985, 1986, 1993, 1994
    • 1995, 1996, 1997, 1999, 2003, 2010, 2013, 2016, 2017, 2018
    • 2021
  • Пераможцы Лігільлі: (12)
    • 1974, 1975, 1977, 1978, 1980, 1984, 1985, 1986, 1988, 1994, 1997, 2004

Склад[рэдагаваць | рэдагаваць крыніцу]

Актуальны на 24 лютага 2024 году
Пазыцыя Імя Год нараджэньня
2 Сьцяг Бразыліі Аб Леў Каэльлю 1993
3 Сьцяг Уругваю Аб Мартын Джанолі 2000
5 Сьцяг Уругваю ПА Сэбастыян Крыстофара 1993
6 Сьцяг Эквадора Аб Байран Кастыльлё (ар. Леон) 1995
7 Сьцяг Уругваю Нап Хавіер Кабрэра 1992
8 Сьцяг Уругваю ПА Леанарда Фэрнандэс (ар. Талюка) 1998
9 Сьцяг Уругваю ПА Франка Гансалес 2004
10 Сьцяг Уругваю ПА Гастон Рамірэс (капітан) 1990
11 Сьцяг Уругваю Нап Максіміляна Сыльвэра 1997
12 Сьцяг Уругваю Бр Гільерма дэ Аморэс 1994
13 Сьцяг Уругваю ПА Эдуарда Дарыяс (ар. Мальданада) 1998
14 Сьцяг Уругваю ПА Даміян Гарсія 2003
15 Сьцяг Уругваю Аб Максіміляна Алівэра 1992
16 Сьцяг Уругваю Аб Камілё Маяда 1991
17 Сьцяг Уругваю Нап Люсіяна Гансалес 2006
Пазыцыя Імя Год нараджэньня
19 Сьцяг Аргентыны Аб Дыега Соса (ар. Тыгрэ) 1997
20 Сьцяг Уругваю Аб Пэдра Мілянс 2002
23 Сьцяг Уругваю ПА Хавіер Мэндэс 1994
24 Сьцяг Уругваю Аб Гусман Радрыгес 2000
25 Сьцяг Уругваю ПА Ігнасьё Соса 2003
26 Сьцяг Аргентыны Нап Леанарда Сэкейра (ар. Эвэртан) 1995
27 Сьцяг Уругваю Аб Люкас Эрнандэс 1992
29 Сьцяг Уругваю Бр Вашынгтон Агерэ 1993
30 Сьцяг Аргентыны Нап Анхэль Гансалес (ар. ЛДУ) 1994
32 Сьцяг Уругваю Бр Рандаль Радрыгес 2003
33 Сьцяг Уругваю Нап Наўэль Акоста 1999
34 Сьцяг Уругваю Аб Наўэль Эрэра 2004
Сьцяг Уругваю Аб Матыяс дэ Рытыс 2003
Сьцяг Уругваю Нап Хасэ Нэрыс (ар. Калён) 2000
Сьцяг Бразыліі Нап Матэўс Бабі (ар. Атлетыку П.) 1997

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]