Пэрыгё

Пэрыгё
Périgueux
Сьцяг Пэрыгё
Рэгіён:	Аквітанія
Дэпартамэнт:	Дардонь
Плошча:	9,82 км²
Насельніцтва:	29 573 (2010)
Часавы пас: • летні час:	UTC+1 UTC+2
Паштовы індэкс:	24000
Геаграфічныя каардынаты:	45°11′00″ пн. ш. 0°43′00″ у. д.
Пэрыгё на мапе Францыі Пэрыгё
Галерэя здымкаў у Wikimedia Commons
http://www.ville-perigueux.fr

Пэрыгё (па-француску: Périgueux, па-аксытанску: Periguers) — горад ў Францыі, разьмешчаны ў дэпартамэнце Дардонь рэгіёна Аквітанія на правым беразе суднаходнай ракі Іль. Насельніцтва складае 29 573 чалавек, паводле зьвестак 2010 году.

Гісторыя

Да прыходу рымлянаў на месцы Пэрыгё было паселішча кельцкага племені пэтракорыяў; рымляне далі яму назву Вэсуна (лац. Vesuna). Пасьля спусташэньня варварамі паселішча моцна скарацілася ў памерах і стала называцца Цывіт Пэтракорыюм (лац. Civitas Petrocorium, у перакладзе «горад пэтракорыяў») — адсюль паходзіць назва сучаснага горада.

Першым мясцовым біскупам быў сьв. Фронт, чые мошчы былі зьмешчаныя ў абацтве Пуі–Сэн Фрон на ўсход ад старога горада. Гэтае абацтва стала ў Сярэднявеччы другім цэнтрам горада й супернічалі зь першым да 1251 году, калі яны былі юрыдычна аб’яднаны. Пэрыгё быў спустошаны ангельцамі падчас Стогадовай вайны й гугенотамі падчас рэлігійных войнаў XVI стагодзьдзя.

Выбітнасьці

Галоўная славутасьць Пэрыгё — знакаміты сабор Сэн-Фрон, які рэзка вылучаецца сярод францускіх сярэднявечных храмаў сваёй пяцікупальнай архітэктурай ў бізантыйскім стылі.

Вядомыя ўраджэнцы

• П’ер Аляксандар дэ Лямот — францускі пісьменьнік

Вонкавыя спасылкі

 Пэрыгё — сховішча мультымэдыйных матэрыялаў

• Афіцыйны сайт