Пётар Клімук

Пётар Клімук
Пётар Клімук і Ўладзімер Пуцін
Род дзейнасьці	касманаўт
Дата нараджэньня	10 ліпеня 1942 (70 гадоў)
Месца нараджэньня	Камароўка, Берасьцейская вобласьць, Беларуская ССР, СССР

Пётар Ільліч Клімук (нарадзіўся 10 ліпеня 1942) — савецкі касманаўт, двойчы Герой Савецкага Саюзу, генэрал-палкоўнік авіяцыі.

Біяграфія

Нарадзіўся ў вёсцы Камароўка (цяпер Берасьцейскі раён Беларусі). Клімук навучаўся ў Вышэйшай школе авіяцыі Ленінскага камсамолу ў Чарнігаве і ўступіў у Савецкія Паветраныя Сілы ў 1964 годзе. Наступным годам ён быў адабраны для ўдзелу ў касьмічнай праграме.

Ягоным першым палётам стаўся палёт на «Саюзе-13» у 1973 годзе. Затым была місія на касьмічную станцыю «Салют-4» на «Саюзе-18» у 1975 годзе.

З 1976 году яго ўключаюць у праграму міжнародных касьмічных палётаў, і яго трэці і апошні вылет у касьмічную прастору адбыўся разам з польскім касманаўтам Міраславам Гермашэўскім на «Саюзе-30».

У Клімука дарагі й уражлівы шэраг узнагародаў: Герой Савецкага Саюзу (двойчы), Ордэн Леніна (тройчы), польскі Ордэн Грунвальдзкага Крыжа, Залаты мэдаль імя Цыялкоўскага, Залаты мэдаль імя Гагарына, а таксама Залаты мэдаль ад Польскай акадэміі навук. Ён зьяўляецца ганаровым грамадзянінам такіх гарадоў як Калуга, Гагарын, і Джэзкаган.

Пётар Клімук — аўтар двух кніг пра палёты ў космас: «За зорамі» і «Атака на бязважкасьць».

• Дэпутат Вярхоўнага Савету СССР 10-га скліканьня
• Народны дэпутат СССР (1989 – 1991)
• Ляўрэат Дзяржаўных прэмій СССР (1978, 1981)
• Узнагароджаны Ганаровай граматай Нацыянальнага сходу Рэспублікі Беларусь (2002)

Вонкавыя спасылкі

 Пётар Клімук — сховішча мультымэдыйных матэрыялаў