Пішчалаўскі замак (Менск)

Зьвесткі зь Вікіпэдыі — вольнай энцыкляпэдыі.

Перайсьці да: навігацыя, пошук

Пішчалаўскі замак, малюнак ХІХ ст

Пішчалаўскі замак у Менску - адзіны ў сваім родзе помнік рэтраспэктыўна-замкавага стылю з элемэнтамі клясыцызму і нэаўдаготыкі. Больш вядомы замак пад назовам "валадарка".

[рэдагаваць] Гісторыя

1825 - збудаваны па праекце архітэктара Пішчалы на тагачаснай ускраіне Менску на гары ў Раманаўскім прадмесьці ў якасьці Менскай губэрнскай турмы.
1830-1831 - праз турму праходзілі ўдзельнікі Лістападаўскага паўстаньня
1863-1864 - турма ізноў поўнілася паўстанцамі.
1905-1907 - у турме быў арганізаваны камітэт Чырвонага крыжу.
1917 - царская ахова была заменена на дабраахвотнікаў, а пазней з вязьняў турмы была сфарміравана менская міліцыя.
З 1999 - пачалі распрацоўвацца пляны па пераносе турмы з замку.
20/04/2008 - абвалілася адна з нарожных вежаў галоўнага будынка. Па афіцыйнай вэрсыі прычынай стала састарэласьць збудаваньня, па іншых - прычынай сталі будаўнічыя працы, якія прывялі да пашкоджаньня канструкцый.

[рэдагаваць] Архітэктура

Пішчалаўскі замак ўяўляе сабою даволі вялікі прастакутны трохпавярховы аб'ём накрыты чатырохсхільным дахам. Па чатырох кутах да гмаха прыбудаваны масыўныя цыліндрычныя вежы з дэкаратыўным завяршэньнем у выглядзе зубцоў і нізкім шатровым дахам. Вонкавая апрацоўка фасадаў даволі сьціплая і абмяжоўваецца гарызантальнай цягай-карнізам між другім і трэцьцім паверхамі, дэкаратыўнымі ваконцамі-байніцамі на вежах.

З паўночна-ўсходняга боку да асноўнага гмаху прыбудаваны двухпавярховы аб'ём, якое з боку вуліцы мае завяршэньне ў выглядзе нізкага трохкутнага франтона і апрацаваны рустам на ўзроўні першага паверха. Звонку замак абнесены высокай мураванай сьцяною.