П’ер Гойб’ерг

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
П’ер Гойб’ерг
Пэрсанальная інфармацыя
Нарадзіўся 5 жніўня 1995 (19 гадоў)
Капэнгаген, Данія
Рост 187 см
Пазыцыя паўабаронца
Клюбная інфармацыя
Клюб Аўгсбург
Нумар 19
Моладзевыя клюбы
 ?—2009
2009—2010
2010—2012
Ск’ёль
Капэнгаген
Брэнбю
Клюбы
Гады Клюб Гульні (галы)¹
2012—
2013—
2015—
Баварыя-2
Баварыя
Аўгсбург
30 (8)
17 (0)
0 (0)
Зборныя
2014— Данія 5 (1)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана па стане на
19 сьнежня 2014.
² Колькасьць гульняў і галоў за нацыянальную зборную
ў афіцыйных матчах, адкарэктавана па стане на
14 кастрычніка 2014.

П’ер-Эміль Гойб’ерг (па-дацку: Pierre Emile Højbjerg; нарадзіўся 5 жніўня 1995 году, Капэнгаген, Данія) — дацкі футбаліст, які выступае за нямецкі клюб «Баварыя Мюнхэн» і юнацкую зборную Даніі на пазыцыі цэнтральнага паўабаронцы. На сёньня знаходзіцца ў арэндзе ў клюбе «Аўгсбург».

Клюбная кар’ера[рэдагаваць | рэдагаваць крыніцу]

Закончыўшы акадэмію «Капэнгагена», у 2010 годзе далучаецца да «Брэнбю» й ужо праз два гады пераходзіць у «Баварыю Мюнхэн»[1].

Выдатная гульня ў другой камандзе «Баварыі» (8 галоў у 30 матчах) прыводзіць да выкліка ў галоўную каманду й у сакавіку 2013 году Гойб’ерг апыняецца на лаўцы запасных у матчы супраць «Баер» зь Левэркузэна, але на поле гэтак і не зьяўляецца, а гэты матч становіцца адзінаю паразай «Баварыі» ў Бундэсьлізе сэзону 2012—2013 гадоў. 13 красавіка 2013 году Гойб’ерг дэбютуе за галоўную каманду «Баварыі» й у прафэсыйным футболе наогул матчам супраць «Нюрнбэргу», замяніўшы Джэрдана Шакіры на 71 хвіліне, матч скончыўся перамогай «Баварыі» зь лікам 4:0. На гэты момант Гойб’ергу было 17 гадоў і 251 дзень і ён стаў самым маладым футбалістам «Баварыі», які гуляў за мюнхэнцаў у Бундэсьлізе[2], папярэдні рэкорд прыналежаў Давіду Алябу (17 гадоў і 256 дзён). 4 траўня 2013 году Гойб’ерг правёў другі матч у Бундэсьлізе супраць «Барусіі» Дортмунд (нічыя 1:1), калі замяніў на 92 хвіліне Луіса Густава.

Узорам для перайманьня для Гойб’ерга зьяўляецца Зынэдзін Зыдан[3].

У 2011 годзе Гойб’ерг быў названы гульцом году Даніі ва ўзросьце да 17 гадоў[4].

Кар’ера ў зборнай[рэдагаваць | рэдагаваць крыніцу]

Гойб’ерг гуляў за зборныя Даніі розных узростаў. Цяпер зьяўляецца адным зь лідэраў юнацкай зборнай Даніі, за якую згуляў 6 матчаў і забіў у іх 3 галы. Гойб’ерг лічацца адным з самых таленавітых гульцоў у Даніі. Дарэчы Гойб’ерг мае яшчэ францускае грамадзянства, бо ягоная маці — напалову францужанка[5]. 28 траўня 2014 году гулец дэбютаваў за нацыянальную зборную Даніі ў матчы супраць зборнай Швэцыі, П’ер правёў у гэтым матчы усе 90 хвілінаў гульнявога часу.

Дасягненьні[рэдагаваць | рэдагаваць крыніцу]

Клюбныя[рэдагаваць | рэдагаваць крыніцу]

«Баварыя»:

Асабістыя[рэдагаваць | рэдагаваць крыніцу]

  • Лепшы дацкі гулец году ва ўзросьце да 17 гадоў: 2011

Крыніцы[рэдагаваць | рэдагаваць крыніцу]

  1. ^ Profile for Pierre-Emile Höjbjerg. transfermarkt.co.uk
  2. ^ Rekorde, Rekorde. www.fcbayern.telekom.de
  3. ^ Bayerns Supertalent: Zidane ist sein Vorbild. www.fussball-vorort.de
  4. ^ Talentpriser 2012—1987. www.dbu.dk
  5. ^ Pierre Højbjerg. www.footballzz.com

Вонкавыя спасылкі[рэдагаваць | рэдагаваць крыніцу]

Commons-logo.svg  П’ер Гойб’ергсховішча мультымэдыйных матэрыялаў