Рагацік песьцікавы

Рагацік песьцікавы

Рагацік песьцікавы ці кляварыядэльфус (па-лацінску: Clavariadelphus pistillaris) — рэдкі від грыбоў сямейства Clavariadelphaceae. Рагацік песьцікавы не прыгодны ў ежу.

Апісаньне

Пладовае цела булавападобнае. Пафарбаваны ў аранжава-жоўтыя ці лімонна-жоўтыя тоны, пры націсканьні набывае чырванавата-карычневае адценьне. ножка ўнізе вужэйшая. Споры белыя або сьветла-жоўтыя.

Арэал

Арэал перарывісты, ахоплівае Эўропу, Усходнюю Азію, Паўночную Амэрыку. У Беларусі адзначаны ў Берасьцейскай (Пружанскі раён), Віцебскай (Ушацкі раён), Гомельскай (Жыткавіцкі раён), Менскай (Смалявіцкі раён) і Магілёўскай (Асіповіцкі раён) абласьцях.

Біялёгія

Пладовыя целы назіраюцца ў восеньскі пэрыяд.

Ахова

Ахоўваецца ў Летуве, Латвіі, Расейскай Фэдэрацыі, Украіне і Польшчы.

Літаратура

• Пармасто Э. Х. Определитель рогатиковых грибов СССР. — Л.: «Наука», 1965. — С. 47—48.

Вонкавыя спасылкі

Рагацік песьцікавы — сховішча мультымэдыйных матэрыялаў

• Рагацік песьцікавы ў Чырвонай кнізе Беларусі (рас.)
• Таксанамія на сайце www.mycobank.org (анг.)