Рагвалод-Барыс Усяславіч

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Рагвалод-Барыс Усяславіч
Рагвалод II
Rahvałod-Barys (Połacak). Рагвалод-Барыс (Полацак).jpg
Мініятура Радзівілаўскага летапісу: Рагвалод-Барыс едзе на княжаньне ў Полацак
Князь полацкі
14 красавіка 1101 — 1128
Сукіраўнік Давыд Усяслававіч (ад 1105 да 1127)
Папярэднік Усяслаў Чарадзей
Наступнік Давыд Усяслававіч
Асабістыя зьвесткі
Нарадзіўся канец 1040-х
Памёр пачатак 1128, Полацак
Нашчадкі
Дынастыя Ізяслававічы
Бацька Усяслаў Чарадзей

Рагвалод-Барыс Усяславіч, Рагвалод II (канец 1040-х — пачатак 1128) — князь полацкі (11011128). Паводле імя, відаць, быў старэйшым сынам Усяслава Чарадзея.

Па сьмерці бацькі заняў полацкі пасад. Імаверна, што сядзеў разам з Усяславам у кіеўскай вязьніцы ў 1068 годзе.

Упершыню пад сваім імём згадваецца ў 1102 годзе, калі ўчыніў вайсковую выправу супраць яцьвягаў, а на зваротным шляху заснаваў горад Барысаў. Імаверна, браў удзел у выправе супраць зэмгалаў у 1106 годзе, але ў выніку наўдачы, як можна меркаваць, згубіў полацкі пасад[1].

Згадваецца ў «Жыцьці Эўфрасіньні Полацкай» недзе паміж 11151120 гадамі. Пры Рагвалодзе-Барысе сваю дзейнасьць у Полацку пачала ягоная пляменьніца Эўфрасіньня Полацкая. Менавіта ў гэты час збудавалі княскую сядзібу ў Бельчыцах з Барыса-Глебскім манастыром. Зь ягонай дзейнасьцю таксама зьвязваюць вядомыя помнікі эпіграфікі, так званыя «Барысавы камяні».

У 1127 на патрабаваньне кіеўскага князя Мсьціслава, які з многімі князямі прыйшоў на Полаччыну, заняў княскі пасад замест Давыда, свайго брата[1]. Пра сьмерць Рагвалода-Барыса паведамляецца ў пачатку 1128 году.

Нашчадкі[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ а б М. І. Ермаловіч. Барыс Усяславіч // Энцыклапедыя гісторыі Беларусі. У 6 т. Т. 1: А — Беліца / Беларус. Энцыкл.; Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн.: БелЭн, 1993. С. 315.

Літаратура[рэдагаваць | рэдагаваць крыніцу]

Папярэднік
Усяслаў Чарадзей
Князь полацкі
11011128
Наступнік
Давыд Усяслававіч