Расейская праваслаўная царква

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Храм Хрыста Збавіцеля ў Маскве

Расейская праваслаўная царква (РПЦ; іншая афіцыйная назва — Маско́ўскі Патрыярха́т; па-расейску: Русская Православная Церковь, Московский патриархат) — аўтакефальная хрысьціянская праваслаўная царква, якая займае 5-е месца ў дыптыху праваслаўных цэркваў, самая вялікая з існуючых праваслаўных цэркваў.

РПЦ налічвае 128 епархіяў у Расеі, Украіне, Эстоніі, Латвіі, Летуве, Беларусі, Малдове, Азэрбайджане, Казахстане, Узбэкістане, Кыргыстане, Таджыкістане і Туркмэністане (гэтыя краіны лічацца «кананічнымі тэрыторямі»), а таксама ў дыяспары — Аўстрыі, Аргентыне, Бэльгіі, Францыі, Нідэрляндах, Вялікабрытаніі, Нямеччыне, Вугоршчыне, ЗША і Канадзе[1]. Прыходы, прадстаўніцтвы ды іншыя кананічных падразьдзяленьні РПЦ меюцца ў Фінляндыі, Швэцыі, Нарвэгіі, Даніі, Гішпаніі, Італіі, Швайцарыі, Грэцыі, на Кіпры, у Ізраілі, Лібане, Сырыі, Іране, Тайляндзе, Аўстраліі, Эгіпце, Тунісе, Марока, ПАР, Бразыліі і Мэксыцы[1]. У склад РПЦ намінальна ўваходзяць Японская аўтаномная праваслаўная царква, якая кіруецца самастойным Мітрапалітам усея Японіі, які выбіраецца на Саборы гэтае Царквы, і Кітайская аўтаномная праваслаўная царква, якая ў цяперашні час ня мае сваёй уласнай іерархіі[1].

Іншымі памеснымі (аўтакефальным) цэрквамі, што ўваходзяць у дыпціх, прызнаецца адзінай кананічнай праваслаўнай царквой на тэрыторыі былога СССР за выняткам Грузіі, дзе кананічнай зьяўляецца Грузінская праваслаўная царква, і Эстоніі, дзе апрача РПЦ кананічнай зьяўляецца Эстонская апостальская праваслаўная царква Канстантынопальскага патрыярхату.

Гісторыя[рэдагаваць | рэдагаваць крыніцу]

Аўтакефалію ад Канстантынопальскага Патрыярхата Расейская праваслаўная царква атрымала ў 1448 годзе[2], Патрыярхат устаноўлены ў 1589 годзе. З 1721 да 1917 кіравалася Сьвяцейшым Сынодам. У 1917 годзе быў адноўлены Патрыярхат.

На канец 2006 году, і да ўзьяднаньня з РПЦЗ, РПЦ Масквы мела 136 япархіяў; 1 экзархат (Беларускі); 171 архіерэяў, зь іх 131 епархіяльных, 40 вікарных, без уліку 13, якія былі на адпачынку. Дзейнічаюць 713 манастыроў, у тым ліку ў Расеі: 208 мужчынскіх і 235 жаночых; ва Ўкраіне: 89 мужчынскіх і 84 жаночых; у іншых краінах СНД і Прыбалтыкі: 38 мужчынскіх і 54 жаночых; у рэшце замежных краінаў: 2 мужчынскіх і 3 жаночых. Стаўрапігіяльных манастыроў 25. Агульная колькасьць прыходаў — 27 393 (колькасьць хутка расьце. Агульная колькасьць духавенства — 29 450.

Духоўных навучальных устаноў 75, зь іх 5 духоўных акадэміяў, 34 духоўныя сэмінарыі, 36 духоўных вучэльняў. Таксама дзейнічаюць 2 праваслаўных унівэрсытэты і 1 багаслоўскі інстытут.

Прадстаяцель Расейскай праваслаўнай царквы ад 27 студзеня 2009 году — 16-ы Патрыярх Кірыл.

Склад[рэдагаваць | рэдагаваць крыніцу]

На канец 2006 году, і да ўзьяднаньня з РПЦЗ, Маскоўскі патрыярхат меў 136 япархіяў; 1 экзархат (Беларускі); 171 архіерэяў, зь іх 131 епархіяльных, 40 вікарных, без уліку 13, якія былі на адпачынку. Дзейнічаюць 713 манастыроў, у тым ліку ў Расеі: 208 мужчынскіх і 235 жаночых; ва Ўкраіне: 89 мужчынскіх і 84 жаночыя; у іншых краінах у межах былога СССР: 38 мужчынскіх і 54 жаночыя; у рэшце замежных краінаў: 2 мужчынскія і 3 жаночыя. Стаўрапігіяльных манастыроў 25. Агульная колькасьць прыходаў — 27 393 (колькасьць хутка расьце). Агульная колькасьць духавенства — 29 450.

Духоўных навучальных устаноў 75, зь іх 5 духоўных акадэміяў, 34 духоўныя сэмінарыі, 36 духоўных вучэльняў. Таксама дзейнічаюць 2 праваслаўныя ўнівэрсытэты і 1 багаслоўскі інстытут.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]