Расейцы

Зьвесткі зь Вікіпэдыі — вольнай энцыкляпэдыі.

Расейцы


Колькасьць	каля 137 мільёнаў
Рэгіёны пражываньня	Расея, Украіна, Казахстан, Беларусь, ЗША, Латвія, Узбэкістан, Кыргыстан, Эстонія, Летува і іншыя
Мова	расейская мова
Рэлігія	Пераважна праваслаўныя. Частка расейцаў зьяўляюцца атэістамі.
Блізкія этнасы	славяне, асабліва ўсходнія (беларусы, украінцы)

Расейцы (па-расейску: Русские) — усходнеславянскі народ, асноўны насельнік Расеі (каля 80% насельніцтва краіны).

[рэдагаваць] Статыстыка

Налічваючы 137 мільёнаў чалавек, расейцы зьяўляюцца найбуйнейшым па колькасьці народам у Эўропе і адным з найбуйнейшых у сьвеце. Прыблізна 116 мільёнаў этнічных расейцаў жывуць непасрэдна ў Расеі, каля 18 мільёнаў — у суседніх краінах. Яшчэ 3 мільёны жывуць па ўсім сьвеце, пераважна ў Паўночнай Амэрыцы і Заходняй Эўропе, а таксама ва Ўсходняй Эўропе і Азіі.

[рэдагаваць] Рэлігія

Праваслаўнае хрысьціянства — дамінуючая рэлігія сярод расейцаў. Большасьць расейскіх вернікаў належаць да Расейскай праваслаўнай царквы, якая адыграла значную ролю ў фармаваньні і разьвіцьці расейскай нацыянальнай ідэнтычнасьці. Нават няверуючыя расейцы пераважна асацыююць сябе з праваслаўным веравызнаньнем.

Некаторыя расейцы зьяўляюцца прыхільнікамі стараабрадніцтва — рэлігійнай плыні, якая ўзьнікла ў выніку расколу ў Расейскай праваслаўнай царкве ў 17 стагодзьдзі.

Нягледзячы на тое, што рэлігія ў Расеі вярнула свае пазыцыі пасьля савецкага перасьледу і абмежаваньняў, адносна малы працэнт расейцаў рэгулярна наведвае набажэнствы.