Робэрт Левандоўскі

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Робэрт Левандоўскі
Робэрт Левандоўскі
Пэрсанальная інфармацыя
Нарадзіўся 21 жніўня 1988 (26 гадоў)
Варшава, Польшча
Рост 184
Вага 76
Пазыцыя нападнік
Клюбная інфармацыя
Клюб Баварыя
Нумар 9
Моладзевыя клюбы

1997—2004
Партызан Лешна
Варсовія Варшава
Клюбы
Гады Клюб Гульні (галы)¹
2005
2005—2006
2006—2008
2008—2010
2010—2014
2014—
Дэльта
Легія-2
Зьніч
Лех
Барусія Дортмунд
Баварыя
 ? (4)
? (2)
62 (36)
58 (32)
131 (74)
0 (0)
Зборныя
2008— Польшча 61 (19)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана па стане на
31 ліпеня 2014.
² Колькасьць гульняў і галоў за нацыянальную зборную
ў афіцыйных матчах, адкарэктавана па стане на
6 чэрвеня 2014.

Робэрт Левандоўскі (па-польску: Robert Lewandowski; нарадзіўся 21 жніўня 1988 году, Варшава, Польшча) — польскі футбаліст, які выступае за нямецкі клюб «Баварыя» й нацыянальную зборную Польшчы на пазыцыі нападніка.

Клюбная кар’ера[рэдагаваць | рэдагаваць крыніцу]

Раньнія гады[рэдагаваць | рэдагаваць крыніцу]

Трэніраваўся ў моладзевай камандзе «Партызан» з роднага гораду Лешня, дзе працаваў ягоны бацька[1]. Да 2004 году выступаў за варшаўскую «Варсовію». Пасьля выступаў за варшаўскія клюбы «Дэльта» й «Легія-2». Летам 2006 году перайшоў у «Зьніч» з гораду Прушкаў. У сэзоне 2007—2008 гадоў стаў лепшым бамбардзірам Другой лігі Польшчы забіўшы 21 гол у 32 матчах[2].

«Лех Познань»[рэдагаваць | рэдагаваць крыніцу]

У ліпені 2008 году падпісаў пяцігадовы кантракт з познанскім «Лехам»[3]. Клюб за яго заплаціў 1,5 млн польскіх злотых. У Экстракласе дэбютаваў 8 жніўня 2008 году ў хатнім матчы супраць «Бэлхатаў» (2:3)[4], у гэтым матчы Левандоўскі забіў гол на 67 хвіліне.

Робэрт Левандоўскі зьвярнуў на сябе ўвагу эўрапейскіх клюбаў, то бок ім цікавіліся маскоўскі «ЦСКА»[5], ангельскі «Ўэст Бромўіч Альбіён»[6], дортмундзская «Барусія»[7], галяндзкі «Фэеноорд»[8], піцерскі «Зэніт»[9] і данецкі «Шахтар»[10].

Робэрт Левандоўскі стаў тварам папулярнай кампутарнай гульні FIFA 10 у Польшчы разам з ангельцам Ўэйнам Руні. У сьнежні 2009 году польскае выданьне «Piłka Nożna» прызнала Робэрта Левандоўскага лепшым гульцом чэмпіянату Польшчы[11].

«Барусія Дортмунд»[рэдагаваць | рэдагаваць крыніцу]

19 траўня 2010 году стала вядома, што Робэрт прайшоў мэдычнае абсьледаваньне ў «Барусіі», а 11 чэрвеня таго ж году ён падпісаў чатырохгадовы кантракт зь нямецкім клюбам[12]. Сума трансфэру лічыцца роўнай каля 4,5 млн эўра[13]. 19 верасьня ён забіў свой першы гол у Бундэсьлізе, у пераможным матчы супраць «Шальке-04», які скончыўся зь лікам 3:1[14].

Левандоўскі разам з «Барусіяй» сьвяткуе перамогу ў чэмпіянаце і кубку Нямеччыны ў 2012 годзе

У сэзоне 2011—2012 гадоў, дзякуючы траўме Люкаса Барыёса, Робэрт трапіў у асноўны склад клюбу да зімовага перапынку. Нападнік забіў два галы ў браму «Зандгаўзэна», у матчы на кубак Нямеччыны (3:0). 20 жніўня 2011 году Левандоўскі адкрыў лік сваім галам у новым сэзоне Бундэсьлігі ў матчы супраць «Нюрнбэргу», «Барусія» атрымала перамогу зь лікам 2:0. У кастрычніку «Барусія» дасягнула 2 радку ў табліцы пасьля перамогі зь лікам 5:0 над «Кёльнам», а Левандоўскі тады адзначыўся дублем[15]. 17 сьнежня перад зімовым перапынкам Левандоўскі двойчы адзначыўся і аддаў галявую перадачу Кевіну Гроскройцу ў матчы супраць «Фрайбургу». У сувязі зь ягонай якасьцю гульні Робэрт быў названы лепшым гульцом году ў Польшчы[16].

Пасьля зімовага перапынку 22 студзеня 2012 году «Барусія» ўшчэнт разьбіла «Гамбург» зь лікам 5:1, дасяггнуўшы паводле пунктаў лідэра «Баварыю», Левандоўскі двойчы забіў і дадаў на свой рахунак галявую перадачу на суайчыньніка Якуба Блашчыкоўскага. 11 красавіка польскі нападнік забіў адзін гол у гульні супраць «Баварыі» ў Дортмундзе[17]. У заключнай гульні сэзону ў фінале кубка Нямеччыны Левандоўскі зарабіў хет-трык у матчы супраць усё той жа «Баварыю» (5:2).

У новы сэзон Левандоўскі зьявіўся на пляцоўцы ў першым туры ў матчы супраць «Вэрдэру». Першы гол сэзону забіў 15 верасьня ў пераможным матчы супраць «Баеру», які скончыўся зь лікам 3:0. Апасьля Робэрт усталяваў новы клюбны рэкорд, забіўчы пасьлядоўна ў 12 матчах лігі запар, апярэдзіўшы паводле гэтага паказчыку Фрыдгэльма Каніцка[18].

24 красавіка 2013 году Левандоўскі стаў першым гульцом, які забіваў чатыры галы ў паўфінале Лігі чэмпіёнаў, дасягнуўшы гэтага паказчыку ў матчы супраць гішпанскага «Рэалу» (4:1)[19]. 25 траўня ён браў удзел у фінал Лігі чэмпіёнаў, аднак «Барусія» трывала паразу зь лікам 2:1 ад «Баварыі».

Свой першы гол у сэзоне 2013—2014 гадоў Робэрт забіў 10 жніўня ў браму «Аўгсбурга» ў першым матчы сэзону[20]. Увосень у Левандоўскага сапсаваліся адносіны з галоўным трэнэрам «Барусіі» Юргенам Клёпам, з-за жаданьня паляка перайсьці да табару супернікаў з «Баварыі», аднак нягледзячы на гэта Робэрт выходзіў на пляцоўку і забіваў мячы за дортмундзкі клюб. 1 лістапада ён аформіў свой адзіны хет-трык у сезоне ў пераможным матчы супраць «Штутгарту» (6:1)[21]. 3 студзеня Робэрт заключыў кантракт з «Баварыяй», паводле якога свае выступы за клюб ён пачаў з наступнага сэзону.

25 лютага 2014 году Робэрт двойчы забіў у Лізе чэмпіёнаў мячы ў браму «Зэніту», стаўшы, такім чынам, лепшым бамбардзірам «Барусіі» у эўракубках, перавысіўшы рэкорд у 16 галоў Стэфана Шапюіза[22]. Сэзон Робэрт скончыў з паказчыкам 20 галоў у Бундэсьлізе, стаўшы лепшым бамбардзірам нямецкага першынства.

«Баварыя»[рэдагаваць | рэдагаваць крыніцу]

Пра пераход польскага бамбардзіра стала вядома яшчэ ўвосень 2013 году. У студзені 2014 году Робэрт заключыў 5-гадовы кантракт зь мюнхэнскім клюбам. 9 ліпеня 2014 году ён быў прадстаўлены ў якасьці гульца «Баварыі», атрымаўшы кашулю з 9 нумарам, зь якой раней гуляў Марыё Мануджукіч, што сышоў у «Атлетыка».

Кар’ера ў зборнай[рэдагаваць | рэдагаваць крыніцу]

У нацыянальнай зборнай Польшчы дэбютаваў 10 верасьня 2009 году ў матчы супраць Сан-Марына (2:0)[23], Левандоўскі выйшаў на 59 хвіліне замест Марэка Саганоўскага, а на 67 хвіліне адзначыўся забітым голам. На Эўра 2012 забіў першы гол турніра, але зборная Польшчы ня здолела прайсьці ў чвэрцьфінал.

Дасягненьні[рэдагаваць | рэдагаваць крыніцу]

«Лех»:

Сьцяг Нямеччыны Барусія Дортмунд:

Крыніцы[рэдагаваць | рэдагаваць крыніцу]

  1. ^ Kulisy Sportu — Robert Lewandowski pt.1/3
  2. ^ Robert Lewandowski. 90minut.pl
  3. ^ Lewandowski zagra w Lechu
  4. ^ Lech Poznań 2-3 GKS Bełchatów. 90minut.pl
  5. ^ Левандовский не перейдет в ЦСКА. dynamomania.com
  6. ^ Р.Левандовский не перейдет в ВБА. football.ua
  7. ^ Р.Левандовский интересен Дортмунду. football.ua
  8. ^ «Фейеноорд» хочет купить Левандовски. Не Мариуша. football.ua
  9. ^ Р.Левандовский перейдет в «Зенит»? football.ua
  10. ^ «Лех» отказал «Шахтёру». football.ua
  11. ^ Мариуш Левандовский — игрок года в Польше. terrikon.dn.ua
  12. ^ Dortmund macht Lewandowski-Transfer perfekt. focus.de
  13. ^ Borussia Dortmund striker Robert Lewandowski hits double as Poland beat Ivory Coast. Global news
  14. ^ Schalke 04 1-3 Borussia Dortmund. ESPN FC.
  15. ^ Borussia Dortmund 5–0 Koln: Five-star champions move second in Bundesliga table. Goal.com.
  16. ^ Lewandowski ist Polens Bester. Kicker.
  17. ^ Borussia Dortmund see off Bayern Munich to close on successive title. The Guardian.
  18. ^ BVB-Torjäger Lewandowski überholt Konietzka. ruhrnachrichten.de.
  19. ^ Four-goal Lewandowski leaves Madrid reeling. UEFA.
  20. ^ Aubameyang hat-trick has Dortmund flying. Bundesliga.
  21. ^ Lewandowski shines as Stuttgart hit for six. Bundesliga.com.
  22. ^ Lewandowski najlepszym strzelcem BVB w Europie!. sport.wp.pl.
  23. ^ PZPN.PL — Oficjalny Serwis Polskiego Futbolu. pzpn.pl

Вонкавыя спасылкі[рэдагаваць | рэдагаваць крыніцу]

Commons-logo.svg  Робэрт Левандоўскісховішча мультымэдыйных матэрыялаў