Руслана Лыжычка

Руслана
Руслана Лыжычка
Руслана (справа) (2004)
Дата нараджэньня	24 траўня 1973 (38 гадоў)
Месца нараджэньня	Львоў, Украіна
Нацыянальнасьць	украінка
Прафэсіі	сьпявачка, танцорка, прадусарка
Інструмэнты	фортэпіяна
Псэўданімы	Руслана

Русла́на Сьцяпа́наўна Лыжы́чка (па-ўкраінску: Руслана Степанівна Лижичко; сцэнічны псэўданім — Руслана; нарадзілася 24 траўня 1973, Львоў) — вядомая ўкраінская сьпявачка, танцорка і прадусарка.

У 2004 годзе Руслана перамагла ў конкурсе «Эўрабачаньне» зь песьняй «Wild Dances». За год да гэтага яе альбом «Дикі танці» ва Ўкраіне быў прададзены накладам больш як 100 000 асобнікаў і стаў плацінавым.

Біяграфія

Руслана нарадзілася і гадавалася ў Львове. Яшчэ дзіцём сьпявала ў гурце «Орион», а потым у дзіцячым ансамблі «Усмішка». Скончыла музычную вучэльню і паступіла на дырыжорскі факультэт Львоўскай кансэрваторыі. Прафэсіянальна грае на фортэпіяна. У 1993 Руслана і Аляксандар Ксэнафонтаў (з кім яна пабралася шлюбам праз два гады) асноўваюць рэклямную студыю «Люксэн». Руслана агучвае шматлікія радыёрэклямы, у тым ліку фірмаў Oriflame i Coca-Cola. У сярэдзіне 90-х бярэ ўдзел у некалькіх музычных праектах, перамагае на ўкраінскіх песенных конкурсах. У 1998 годзе Руслана выдае свой першы альбом «Мить весни» («Імгненьне вясны»), які набывае папулярнасьць. У 1999 годзе Руслана ўдзельнічае ў запісу каляднага мюзіклу «Останнє Рiздво 90-x» («Апошнія каляды 90-х»), які атрымвае ўзнагароду «Фільм году» ва Ўкраіне. У 2003 годзе ейны альбом «Дикі танці» ва Ўкраіне становіцца плацінавым — было прададзена больш як 100 000 асобнікаў. 16 траўня 2004 году Руслана перамагае ў музычным конкурсе «Эўрабачаньне», які праходзіў у Стамбуле (Турэччына) зь песьняй «Wild Dances».

Дыскаграфія

Альбомы

• Мить весни — Дзвінкий вітер (Імгненьне вясны — Лепшыя канцэрты Звонкага ветру, 1996, 1998)
• Останнє різдво 90-x (Апошнія каляды 90-х, 1999)
• Найкраще (2001)
• Добрий вечір, тобі… (2002)
• Дикі танці (Дзікія танцы, 2003)
• Дикі танці + Євробонус (2004)
• Wild Dances (2004)
• Wild Dances (New Year Edition) (2005)
• Wild. Club'in (2005)

Сынглы

• «Дикі танці» (2004)
• «Dance with the Wolves» («Танці з вовками») (2004)
• «The Same Star» («Скажи мені»)(2005)
• «Дика енергія» (2006)

Вонкавыя спасылкі

 Руслана Лыжычка — сховішча мультымэдыйных матэрыялаў

• Афіцыйны вэбсайт Русланы
• Афiцыяльны фан-клюб Русланы
• RuslanaTV
• Youtube