Рэдынг (футбольны клюб)

Рэдынг
Поўная назва	Reading Football Club
Мянушкі	Роялз
Заснаваны	1871
Горад	Рэдынг, Ангельшчына
Стадыён	Стадыён Мадэйскі Умяшчальнасьць: 24 224
Прэзыдэнт	Джон Мадэйскі
Галоўны трэнэр	Браян Макдэрмат
Чэмпіянат	Прэм’ер-Ліга
· 2011—2012	Футбольная ліга 1 месца
Хатнія колеры Выязныя колеры
Афіцыйны сайт

Рэдынг (па-ангельску: Reading FC) — ангельскі футбольны клюб, які базуецца ў горадзе Рэдынг. Выступае ў ангельскай Прэм’ер-лізе. Клюб мае даўнюю мянушку «Роялз» (па-ангельску: Royals), у сувязі зь разьмяшчэньнем у Каралеўскім графстве Бэркшыр. «Рэдынг» быў заснаваны ў 1871 годзе, такім чынам клюб зьяўляецца адным з найстарэйшых камандаў у Ангельшчыне, але ён не далучаўся да Футбольнай лігі да 1920 году, і ніколі не гуляў у вышэйшай лізе ангельскай футбольнай сыстэмы да сэзону 2006—2007 гадоў.

Хатнія матчы клюб праводзіў на стадыёне «Элм Парк», які налічвае 102 гадоў існаваньня. Аднак у 1998 годзе «Рэдынг» пераехаў на новы стадыён «Мадэйскі», які быў названы ў гонар старшыні клюбу сэра Джон Мадэйскі.

Гісторыя

Гады аматарства

Заснаваны ў 1871 годзе футбольны клюб «Рэдынг», у пачатку сваёй гісторыі прымаў удзел толькі ў кубкавых матчах і таварыскіх сустрэчах. Першы ўдзел клюбу ў Кубку Ангельшчыны адбыўся ў 1890 годзе. Выступы клюбу ў нацыянальным кубку былі вельмі няўдалымі, а ў 1894 годзе каманда была зганьбавана зьневажальнай паразай, «Рэдынг» быў разгромлены клюбам «Прэстан Норт Энд» зь лікам 0:18 ужо ў першым раўндзе турніру. У тым жа годзе «Рэдынг» атрымаў права прымаць удзел у чэмпіянаце Паўднёвай лігі. Толькі праз год клюб атрымаў прафэсійны статус.

Першая палова XX стагодзьдзя

У першыя гады XX стагодзьдзя каманда знаходзілася ў падвале ангельскай Футбольнай лігі. Толькі ў сэзоне 1920—1921 гадоў каманда апынулася ў складзе трэцяга дывізіёну, у выніку ўключэньня ў яго Паўднёвай лігі. Празь пяць гадоў, у 1926 годзе, камандзе ўдалося дамагчыся посьпеху й перамагчы ў чэмпіянаце гэтага дывізіёну, а ў наступным 1927 годзе каманда дайшла да паўфіналу Кубка Ангельшчыны. Гэта дасягненьне да сёньняшняга дня зьяўляецца рэкордным для клюбу ў нацыянальным кубку. У 1931 годзе клюб зноўку апынуўся ў трэцім дывізіёне, у якім выступаў усе 1930-я гады, да пачатку Другой сусьветнай вайны. Пасьля вайны, у верасьні 1946 году, «Рэдынг» атрымаў самую буйную перамогу ў сваёй гісторыі, каманда разграміла «Крыстал Пэлас» зь лікам 10:2.

Склад

Па стане на 28 красавіка 2013 году

№ Пазыцыя Імя Год нараджэньня 1 Бр Эдам Фэдэрыкі 1985 2 Аб Крыс Гантэр 1989 3 Аб Нікі Шоры 1981 4 ПА Джэм Карачан 1989 5 Аб Алекс Пірс 1988 6 Аб Эдрыен Марыяпа 1986 7 Нап Павал Паграбняк 1983 8 ПА Мікел Лэйгерўуд 1982 9 Нап Эдам ле Фондр 1986 10 Нап Ноэл Гант 1982 11 ПА Джобі Макануф (капітан) 1981 12 ПА Гэрэт Макліры 1987 14 ПА Джымі Кебэ 1984 15 Аб Шон Морысан 1991 18 Нап Сайман Чэрч 1988

№ Пазыцыя Імя Год нараджэньня 19 ПА Гал Робсан-Кану 1989 20 ПА Дэні Гатры 1987 21 Бр Алекс Макарці 1989 22 Нап Нікалас Бігнал 1990 23 Аб Ян Гарт 1977 24 Аб Шон Камінгс 1989 27 Аб Стывэн Келі 1983 28 ПА Гоўп Экпан 1991 29 Аб Даніел Карысу 1988 30 Нап Нік Блэкман 1989 31 Бр Мікель Андэрсэн 1988 33 Нап Джэйсан Робэртс 1978 39 Нап Брэт Ўільямз 1987 41 Бр Ст’юарт Тэйлар 1980

Вонкавыя спасылкі

 Рэдынг (футбольны клюб) — сховішча мультымэдыйных матэрыялаў

• Афіцыйны сайт^(анг.)