Рэпкі (Украіна)

Рэпкі
Ріпки
Першыя згадкі:	1607
Вобласьць:	Чарнігаўская
Раён:	Рэпкінскі
Плошча:	7,33 км²
Насельніцтва:	7 877 (2005)
Тэлефонны код:	+380 4641
Паштовы індэкс:	15000
Геаграфічныя каардынаты:	51°47′58″ пн. ш. 31°05′58″ у. д.
Рэпкі на мапе Ўкраіны Рэпкі

Рэпкі (па-ўкраінску: Ріпки) — мястэчка ў Чарнігаўскай вобласьці Ўкраіны. Адміністрацыйны цэнтар Рэпкінскага раёну. Насельніцтва 7 877 чал. (2005).

Знаходзяцца за 39 км ад Чарнігава, за 3 км ад чыгуначнай станцыі Галубічы на лініі Гомель — Чарнігаў.

Этымалёгія назвы

Назва «Рэпкі» паходзіць ад ручая, што працякаў празь сяло.

Гісторыя

• 1607: першыя згадкі, валоданьне Глябовічаў.
• 1651: каля Рэпак вялікалітоўскія войскі пад кіраўніцтва Януша Радзівіла разьбілі казацкія атрады Нябабы.
• ХVІII ст.: сяло Ройскай сотні Чарнігаўскага палку.
• пач. ХІХ ст.: мястэчка, цэнтар воласьці Гараднянскага павету Чарнігаўскай губэрні.
• 1840: у Рэпках збудавалі мураваную царкву Сьвв. Апп. Пятра і Паўла (не захавалася).
• кан. ХІХ ст.: у мястэчку было 150 будынкаў, дзейнічалі царква і юдаісцкі малітоўны дом.
• 1923: цэнтар раёну.
• 30 жніўня 1941 — 26 верасьня 1943: знаходзіліся пад нямецкай акупацыяй.

Эканоміка

Цагельня «В’ютбуд», прадпрыемства па вытворчасьці паліграфічных фарбаў «Планэта інкс».

Літаратура

• Rzepki // Słownik geograficzny Królestwa Polskiego i innych krajów słowiańskich. Tom X: Rukszenice — Sochaczew. — Warszawa, 1889. S. 148
• Репки // Энциклопедический словарь Брокгауза и Ефрона: В 86 томах (82 т. и 4 доп.). СПб, 1890—1907.