Сандра Булак

Зьвесткі зь Вікіпэдыі — вольнай энцыкляпэдыі
Сандра Булак
Дата нараджэньня 26 ліпеня 1964(1964-07-26)[1][2][3][…] (59 гадоў)
Месца нараджэньня
Месца вучобы
Занятак акторка, кінаакторка, рэстаратар, кінапрадусарка, сцэнарыстка, тэлеактор, бізнэсвумэн, акторка агучваньня, тэлепрадусар, кінарэжысэрка
Маці Helga Meyer[d]
Узнагароды
IMDb ID nm0000113

Са́ндра Бу́лак (па-ангельску: Sandra Bullock, МФА: [ˈsændrə 'bʊlək]; нарадзілася 26 ліпеня 1964 году) — амэрыканская акторка, адна з самых папулярных і высокааплатных зорак Галівуду. Дэбютавала ў кіно зь нязначных роляў, зьявіўшыся ў такіх твораў, як то «Каты» (1987) і «Руйнач» (1993). Акторскім прарывам Булак стала адна з галоўных роляў баявіка «Хуткасьць» (1994). У наступным акторка зарэкамендавала сябе ў 1990-х дзякуючы галоўным ролям у рамантычных камэдыях «Пакуль ты спаў» (1995) і «Мігаценьні надзеі» (1998), а таксама ў трылерах «Сетка» (1995) і «Час забіваць» (1996).

У 2004 годзе акторка здымалася ў фільме «Сутыкненьне», стваральнікаў якога Амэрыканская акадэмія кінэматаграфічных мастацтваў і навук(en) (Бэвэрлі Гілз(en), акруга Лос-Анджэлес(en), штат Каліфорнія, ЗША) узнагародзіла 5 сакавіка 2006 году залатой статуэткай(en) «Оскар» за найлепшы фільм 2005 году[4].

У наступныя дзесяцігодзьдзі Булак дамаглася далейшага посьпеху з камэдыямі «Міс Кангеніяльнасьць» (2000), «Каханьне з паведамленьнем» (2002) і «Прапанова» (2009). У 2010 годзе стала ўладальніцай «Оскара» ў намінацыі «Найлепшая акторка» за ролю ў фільме «Нябачны бок», таксама ганараваная прэміяй «Залаты Глёбус» за гэты ж фільм. Яна была намінаваная на прэмію «Оскар» яшчэ раз за ролю касманаўткі, якая апынулася ў космасе, у навукова-фантастычным трылеры «Гравітацыя» (2013), які зьяўляецца ейным самым касавым фільмам дасюль.

У 2010 годзе Булак была ўключаная ў сьпіс 100 самых уплывовых людзей на меркаваньня часопіса Time, а ў 2015 годзе была прызнана самай прыгожай жанчынай[5].

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]