Сант’яга-дэ-Кампастэля

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Сант’яга-дэ-Кампастэля
гішп. Santiago de Compostela
Сант’яга-дэ-Кампастэля
Escudo de Santiago de Compostela.svg Bandera de Santiago de Compostela.svg
Герб Сант’яга-дэ-Кампастэлы Сьцяг Сант’яга-дэ-Кампастэлы
Краіна: Гішпанія
Аўтаномная супольнасьць: Галісія
Правінцыя: Ля-Каруньня
Плошча: 220 км²
Вышыня: 260 м н. у. м.
Насельніцтва
колькасьць: 95 671 чал. (2012)
шчыльнасьць:
Часавы пас: UTC+1
летні час: UTC+2
Тэлефонны код: 981
Паштовы індэкс: 15700
Геаграфічныя каардынаты: 42°52′50″ пн. ш. 8°32′47″ з. д. / 42.88056° пн. ш. 8.54639° з. д. / 42.88056; -8.54639Каардынаты: 42°52′50″ пн. ш. 8°32′47″ з. д. / 42.88056° пн. ш. 8.54639° з. д. / 42.88056; -8.54639
Сант’яга-дэ-Кампастэля на мапе Гішпаніі
Сант’яга-дэ-Кампастэля
Сант’яга-дэ-Кампастэля
Сант’яга-дэ-Кампастэля
Commons-logo.svg Галерэя здымкаў у Вікісховішчы
http://www.santiagodecompostela.org/

Сант’я́ґа-дэ-Кампастэ́ля (па-гішпанску: Santiago de Compostela) — горад у паўночна-заходняй Гішпаніі, сталіца Аўтаномнае Супольнасьці Галісія. Насельніцтва — 93 000 (2003). У катэдральным саборы гораду пахаваныя мошчы аднаго з 12 апосталаў Хрыста — Якава (гішп. Santiago el Mayor). Паводле легенды сьвяты Якаў, хрысьціцель і патрон усяе Гішпаніі, прайшоў пешкі ўсю дарогу на Пірэнэйскі паўвостраў. Таму больш за 1000 гадоў існуе каталіцкі шлях-прошча — шлях сьвятога Якава, які вядзе ў сталіцу Галісіі. Гэты шлях ня раз быў тэмай сюжэтаў літаратуры і кінамастацтва.

У царкве Санта-Дамінга-дэ-Банаваль пахаваная гішпанская паэтка Расалія дэ Кастра.

Гісторыя[рэдагаваць | рэдагаваць крыніцу]

Паводле легенды, у катэдральным саборы гораду пахаваны рэшткі апостала Якава. Таму горад з эпохі раньняга Сярэднявечча зьяўляецца трэцяй сьвятыняй каталіцкага сьвету, пасьля Ерусаліму й Рыму[1], цэнтрам каталіцкага арцыбіскупства і пілігрымкі і канчатковым пунктам знакамітага маршруту Шлях Сьвятога Якава, які ахопліваў усю тэрыторыю Эўропы, і які даў гораду мянушку «хрысьціянскай Мэкі» .

Сваім значэньнем для каталіцкай Эўропы горад перш за ўсё абавязаны здабыцьцю мошчаў сьв. Якава. Як лічаць вернікі, пасьля пакутніцкай сьмерці апостала ў 44 годзе ягоныя астанкі былі пакладзены ў лодку й пушчаныя па хвалях Міжземнага мора. Цудоўным чынам гэтая лодка прыплыла ў Гішпанію, дзе сьвяты прапаведваў раней, і была выкінутая на бераг у вусьце ракі там, дзе зьявіцца пазьней горад.

У 813 годзе, як згадвае царкоўнае паданьне, манах-пустэльнік Пэлаё, які жыў у гэтай мясцовасьці, ідучы за нейкай пуцяводнай зоркай, выявіў гэты каўчэг з мошчамі, якія заставаліся нятленнымі. У 896899 гадох кароль Альфонс III выдаў указ, і на месцы знаходкі над мошчамі была пабудавана невялікая царква. Сьвяты Якаў стаў заступнікам Гішпаніі й Рэканкісты.

11 жніўня 997 году горад быў узяты маўрам аль-Мансурам, які разбураў усё, што траплялася на ягоным шляху, пачынаючы з гораду Візэў, адпраўной кропкі ягонага паходу. Кавалерыя зьдзейсьніла кідок па сушы, а пяхота была перакінутая морам з Сэтубалу ў Апорта. Прыбыўшы ў Сант’яга-дэ-Кампастэлу, аль-Мансур падышоў да парэшткаў апостала Якава, дзе знайшоў старога сьвятара Сан-Пэдра дэ Мэсонса, вядомага сваёй пабожнасьцю. Пагутарыўшы зь ім, мусульманскі правадыр пакінуў мошчы сьвятога некранутымі.

Гарады-сябры[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ Н. Н. Непомнящий, А. Ю. Низовский. Испания, которую мы не знали. Исторический путеводитель. М., 2006, с.122

Вонкавыя спасылкі[рэдагаваць | рэдагаваць крыніцу]

Commons-logo.svg  Сант’яга-дэ-Кампастэлясховішча мультымэдыйных матэрыялаў