Сасновая (Магілёўская вобласьць)

Сасновая
Старая вясковая хата ў вёсцы Каты (Сасновая)
Вобласьць:	Магілёўская
Раён:	Бабруйскі
Сельсавет:	Сычкаўскі
Насельніцтва:	27 (2007)
Колькасьць двароў:	17
Тэлефонны код:	+375 225
Паштовы індэкс:	213847
Геаграфічныя каардынаты:	53°13′47″ пн. ш. 29°05′00″ у. д.
Сасновая на мапе Беларусі Сасновая

Сасно́вая (да 1964 Каты) — вёска ў Сычкаўскім сельсавеце Бабруйскага раёну Магілёўскае вобласьці. Знаходзіцца за 6 км ад чыгуначнае станцыі Мірадзіна на лініі Бабруйск — Менск, за 11 км на паўночны захад ад Бабруйску каля шашы Бабруйск-Менск, за 121 км ад Магілёва каля шашы Сычкава — Сьвіслач.

Гісторыя

Першапачатковы назоў утвораны ад пашыранага тут прозьвішча Кот. У 1847 — вёска ў складзе маёнтку Дварэц Бабруйскага павету, 5 двароў. 34 жыхары, памешчыцкая ўласнасьць. Паводле перапісу 1897 — вёска Каты (яна ж Панюшкавічы) Гарбацэвіцкае воласьці Бабруйскага павету, 15 двароў, 94 жыхары. У 1907 — 20 двароў, 123 жыхары, у 1917 — 23 двары, 159 жыхароў. Паводле перапісу 1926 — вёска, 23 двары, 131 жыхар (бальшыня зь іх мела прозьвішча Кот). У 1934 створаны калгас «Сёмы зьезд Саветаў». У ВАВ 18 вяскоўцаў загінулі на фронце. У 1959 у вёсцы 123 жыхары, у 1970 — 113. 30 ліпеня 1964 году пераназваная ў Сасновую. У 1986 39 двароў, 92 жыхары, вёска ўваходзіла ў склад цяплічнага саўгасу-камбінату «Бабруйскі». Напачатку 1997 году — 30 двароў, 46 жыхароў.

Пляніроўка

Вёска ўяўляе сабой плаўна выгнутую вуліцу арыентаваную з усходу на захад з двухбаковай драўлянай забудовай сядзібнага тыпу.

Нарадзіліся

• Пятро Сідаровіч (1906—1938) — беларускі настаўнік, ахвяра сталінскіх рэпрэсіяў

Літаратура

• Сасновая // Памяць. Бабруйскі раён : Гісторыка-дакументальныя хронікі гарадоў і раёнаў Беларусі / Гал. рэд. Г. П. Пашкоў. — Мн., 1998. — С. 590