Сафія Валадараўна

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Сафія Валадараўна (каля 1140 - 5 траўня 1198) - князёўна менская, каралева дацкая.

Нарадзілася каля 1140 года - месца нараджэньня невядома, магчыма па-за межамі Полацкай зямлі, бацька Валадар Глебавіч, маці Рыкіса Баляславаўна. 23 кастрычніка 1157 года пабралася шлюбам з каралём Даніі Вальдэмарам I. Відаць гэта было вынікам нейкага пагадненьня паміж Даніяй і Полацкай зямлёй, бо ў той час Валадар быў менскім князем, а яго старэйшы брат Расьціслаў полацкім.

Запісы пра гэты шлюб зьмяшчаюць летапісы 12 стагодзьдзя «Славянская хроніка» Арнольда з Любэку і «Граматыка Саксаў». Сафія прымала актыўны удзел у тагачасным грамадзкім жыцьці Даніі. У горадзе Калюндборг Сафія пабудавала катэдру, якая лічыцца адзінай сярэднявечнай царквой Скандынавіі, пабудаванай у бізантыйскім стылі.

У Сафіі было два сыны і шэсьць дачок. Яна перажыла свайго мужа і памерла 5 траўня 1198 году, пахавана побач з Вальдэмарам у каралеўскай пахавальні горада Рынгстэд. Маюцца два яе пазьнейшыя партрэты 1580 і 1757 гадоў.

Катэдра ў Калюндборгу[рэдагаваць | рэдагаваць крыніцу]

Нашчадкі[рэдагаваць | рэдагаваць крыніцу]

  • Кнут VI
  • Вальдэмар II
  • Алена
  • Рыкіса
  • Сафія
  • Маргарэт
  • Марыя
  • Інгеборг