Сдэрот

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Сдэрот
на іўр. שְׂדֵרוֹת
Пабудова бамбасховішчаў у Сдэроце
Пабудова бамбасховішчаў у Сдэроце
Coat of arms of Sderot.png
Герб Сдэроту
Дата заснаваньня: 1951
Места з: 1996
Краіна: Ізраіль
Акруга: Паўднёвая
Мэр: Давід Бускіла
Плошча: 4,472 км²
Вышыня: 100 м н. у. м.
Насельніцтва
колькасьць: 24 000 чал. (2011)[1]
шчыльнасьць: 5366,73 чал./км² (2011)
этнічны склад: жыды — 93%
Часавы пас: UTC+2
летні час: UTC+3
Тэлефонны код: +972 8
Геаграфічныя каардынаты: 31°31′34″ пн. ш. 34°35′38″ у. д. / 31.52611° пн. ш. 34.59389° у. д. / 31.52611; 34.59389Каардынаты: 31°31′34″ пн. ш. 34°35′38″ у. д. / 31.52611° пн. ш. 34.59389° у. д. / 31.52611; 34.59389
Сдэрот на мапе Ізраілю
Сдэрот
Сдэрот
Сдэрот
Commons-logo.svg Галерэя здымкаў у Вікісховішчы
www.e-sderot.org.il

Сдэро́т (Аўдыё He-Sederoth.ogg ; на іўрыце: שְׂדֵרוֹת, па-арабску: سديروت) — места ў Паўднёвай акрузе Ізраілю, за 15 кілямэтраў на паўднёвы ўсход ад Ашкелону, за 1 км ад сэктару Газа.

Мінуўшчына[рэдагаваць | рэдагаваць крыніцу]

Тыповы жылы дом.

Назва ў перакладзе зь іўрыту азначае «праспэкт», «бульвар» і дадзеная ў гонар Жыдоўскае нацыянальнае фундацыі, якая ладзіла пасадкі дрэваў (алеі ўздоўж дарог) у рамках праграмы засваеньня і засяленьня паўночнай часткі пустыні Негеў. Рокам заснаваньня Сдэроту лічыцца 1951, калі тут, побач з кібуцам Нір-‘Ам, пачалі сяліцца ў палатках выхадцы з Ірану, Курдыстану), Марока і, у меньшай ступені, Тунісу). Пазьней у паселішчы збудавалі баракі («ма‘бару»), і яно атрымала назву Ма‘бэрэт-Гевім — Дорат; да яго далучыліся рэпатрыянты з Паўночнай Афрыкі і Румыніі. У 1996 року Сдэрот атрымаў мескія правы.

Адукацыя[рэдагаваць | рэдагаваць крыніцу]

Дзейнічаюць 14 школаў з 3578 навучэнцамі, коледж і ешыва. Усе навучальныя ўстановы і ўсе 120 аўтобусных прыпынкаў маюць узмоцненую абарону ад ракетаў[2].

Прамысловасьць[рэдагаваць | рэдагаваць крыніцу]

У Сдэроце знаходзіцца буйная прамысловая зона — прадпрыемствы па вытворчасьці, сартаваньні і пакаваньні харчовых прадуктаў, мэталаапрацоўчыя, тэкстыльныя, кабельныя й іншыя фабрыкі. Некаторыя жыхары занятыя на нафтавых распрацоўках паблізу.

Аднак паводле сацыяльна-эканамічных паказьнікаў Сдэрот займае адно з апошніх месцаў у Ізраілі. Так, беспрацоўе сярод мясцовага насельніцтва складае больш за 20%, а ўзровень заробку ці не ўдвая меншы за сярэдні паказьнік па краіне. Прычынай гэтага зьяўляюцца пастаянныя абстрэлы з боку сэктару Газа.

Транспарт[рэдагаваць | рэдагаваць крыніцу]

Ля места праходзіць аўтастрада №34 ISR-HW34.png Яд-МардэхайНэцівот.

Інтыфада[рэдагаваць | рэдагаваць крыніцу]

Рэшткі ракет «Касам», якія трапілі ў Сдэрот

З-за непасрэднай блізкасьці да мяжы з сэктарам Газа (да бліжэйшага места Бэйт-Ханун 4 км) Сдэрот пэрыядычна трапляе пад абстрэл саматужнымі ракетамі кшталту «Касам». Ізраільскі ўрад усталяваў у месьце сыстэму раньняга апавяшчэньня, аднак яна малаэфэктыўная з прычыны таго, што папярэджвае пра атаку ракеты максымум за 15 сэкундаў да яе падзеньня. Ізраільскае войска пэрыядычна ладзіць прэвэнтыўныя апэрацыі ў сэктары Газа, зьнішчаючы агнявыя пазыцыі тэрарыстаў і майстэрні па вытворчасьці ракетаў.

На знак салідарнасьці з жыхарамі нацыянальная авіякампанія El Al дала аднаму са сваіх ляйнэраў Boeing 777 (4X-ECE) назву «Сдэрот»[3][4].

Гарады-пабрацімы[рэдагаваць | рэдагаваць крыніцу]

Вядомыя ўраджэнцы і жыхары[рэдагаваць | рэдагаваць крыніцу]

Крыніцы і заўвагі[рэдагаваць | рэдагаваць крыніцу]

  1. ^ Table 3 — Population of Localities Numbering Above 2,000 Residents and Other Rural Population(анг.) (PDF). Israel Central Bureau of Statistics. Праверана 2010-11-13 г.
  2. ^ Living under the rocket's roar(анг.). Jpost.com. Праверана 2012-06-07 г.
  3. ^ Boeing 777 Named for Sderot(анг.). infolive.tv (2007-07-31). Праверана 2008-10-20 г.
  4. ^ Production List Search(анг.). Planespotters.net. Праверана 2012-06-07 г.
  5. ^ Sderotplatz in Zehlendorf(ням.). Der Berliton News (10 чэрвеня 2009). Праверана 23 лістапада 2012 г.

Вонкавыя спасылкі[рэдагаваць | рэдагаваць крыніцу]

Commons-logo.svg  Сдэротсховішча мультымэдыйных матэрыялаў