Славамір Адамовіч

Славамір Генрыхавіч Адамовіч
Асабістыя зьвесткі
Нарадзіўся	8 сакавіка 1962 (51 год) станцыя Унежма, Анескі раён, Архангельская вобласьць
Грамадзянства	СССР, Беларусь
Літаратурная дзейнасьць
Род дзейнасьці	паэт, журналіст
Гады творчасьці	1990 — наш час
Жанр	верш
Дэбют	кніга «Кальварыйскія клёны» (Менск, 1990)
Прэміі	«Гліняны Вялес» (1996)

Славамір Генрыхавіч Адамовіч (нарадзіўся 8 сакавіка 1962, станцыя Унежма, Анескі раён, Архангельская вобласьць) — беларускі паэт, грамадзкі дзяяч.

Біяграфія

Сын Генрыха Станіслававіча й Грасільды з Чамярыцкіх Адамовічаў. Скончыў 8 клясаў Будслаўскае школы (1977), Сьвірскае СПТВ-17 (1979). Працаваў у Казахстане, пасьля ў саўгасе «Будслаўскі». У 1980—1982 гадах служыў у Савецкай арміі. Працаваў на Беларускай чыгунцы, на станкабудаўнічым заводзе імя Kiрава ў Менску. У 1986—1992 вучыўся на філялягічным факультэце БДУ; у 1991—1995 працаваў у «Настаўніцкай газеце». Таксама быў чальцом Партыі аматараў піва. Сябра Саюзу беларускіх пісьменьнікаў (з 1999).

У лістападзе 1995 напісаў верш «Убей президента!», за які быў арыштаваны, праз 10 месяцаў выпушчаны пад падпіску пра нявыезд. У жніўні 1997 на адным з апазыцыйных мітынгаў публічна зашыў сабе рот. У 2000 знаходзіўся ў ЗША, працаваў на будоўлях Нью-Ёрку. З 2002 жыве ў горадзе Будэ (Нарвэгія).

Бібліяграфія

• «Кальварыйскія клёны» (Менск, 1990)
• «Зямля Ханаан» (Полацак, 1993)
• «Зваротныя правакацыі» (Полацак, 1994)
• «Каханьне пад акупацыяй» (Менск, 1996)
• «Сьпіраль Бруна» (Менск, 1997)
• «Плавільшчыкі расы» (Вільня, 1999)
• «Турэмны дзёньнік» (Менск, 2001)

Вонкавыя спасылкі

• Блог С. Адамовіча ў ЖЖ
• Суполка аматараў творчасьці С. Адамовіча ў ЖЖ
• Славамір Адамовіч — Турэмны дзёньнік
• Паэт Славамір Адамовіч вяртаецца ў Беларусь?