Страбон

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Страбон на гравюры XVI стагодзьдзя

Страбон (па-грэцку: Στράβων; каля 64/63 да н. э. — каля 23/24 н. э.) — грэцкі гісторык і географ. Атрымаў філязофскую адукацыю. Падарожнічаў па Грэцыі, Малой Азіі, Італіі, Эгіпце.

Аўтар «Гістарычных запісак» (не захаваліся), створаных як працяг «Гісторыі» Палібіюса (апісаны падзеі 146—31 да н. э.), і «Геаграфіі», у якой абагульніў і супаставіў усе вядомыя на ягоны час зьвесткі па геаграфіі. 1-я й 2-я кнігі «Геаграфіі» прысьвечаны матэматычнай геаграфіі, 3—10-я — Эўропе, 11—16-я — Азіі, 17-я — Афрыцы. Лічыў Гамэра аўтарытэтам у галіне геаграфіі. Выкарыстоўваў лякальныя гістарычныя й геаграфічныя працы, асабліва зьвесткі гісторыкаў Мітрыдатавых войнаў.

У працах Страбону багата факталягічнага матэрыялу па гісторыі, геаграфіі, этнаграфіі антычнага сьвету.

Літаратура[рэдагаваць | рэдагаваць крыніцу]

  • Зельскі А. Страбон // Беларуская энцыкляпэдыя: У 18 т. Т.15: Сьледавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — 552 с. — 10 000 ас. — ISBN 985-11-0251-2 (Т. 15)

Вонкавыя спасылкі[рэдагаваць | рэдагаваць крыніцу]

Commons-logo.svg  Страбонсховішча мультымэдыйных матэрыялаў