Сторажы ісламскага перавароту

Зьвесткі зь Вікіпэдыі — вольнай энцыкляпэдыі
(Перанакіравана з «Стражы ісламскага перавароту»)
Перайсьці да: навігацыі, пошуку

Сторажы ісламскага перавароту (па-пэрсыдзку: سپاه پاسداران انقلاب اسلامی‎‎) — «сэпахе пасдаране энгэлабэ эсламі») — узброеная служба ў Ісламскай рэспубліцы Іран. Створаная ў 1979 годзе стыхійна падчас ісламскага перавароту ў Іране з аддзелаў ісламскіх рэвалюцыйных камітэтаў, ярых прыхільніках Рухолы Мусаві Хамэйні. Прымалі чынны ўдзел у Іранска-ірацкай вайне, таксама стваралі Хэзбала. Падпарадкоўваецца Рахбару — духоўнаму лідэру Ірану. Узначальвае стражаў брыгадны генэрал Махамат Алі Джафары, які мае свой штаб. Паводле статуту, які быў зацьверджаны ў 1982 годзе, служба стражаў дзеліцца на паветраную, плаўную, пешую часткі й на паспалітае рушэньне (басіч). Колькасьць старажоў ісламскага перавароту разам з басіч каля 10 000 000 чалавек.

Задачы й будова старажоў ісламскага перавароту[рэдагаваць | рэдагаваць крыніцу]

Сторажы йсламскага перавароту павінныя абараняць заваёвы йсламскага перавароту 1979 года. Яны павінныя распаўсюджваць іслам у Йране й за межамі Йрана. Вядуць барацьбу са шкоднікамі й ворагамі ісламскага ладу ў Іране. Найвышэйшым ваяводам зьяўляецца Аятала Алі Хамэнэі. Яму падпарадкоўваецца ваявода Махамат Алі Джафары. Паводле ўстаўное граматы, якая была прынятая ў 1982 годзе старажы дзеляцца на лётную, плаўную, польную часткі, аддзелы «Коц» і басіч. Найвышэйшы ваявода — Аятала Алі Хамэнэі абапіраецца на вышэйшую раду, службы, якія падпарадкоўваюцца намесьнікам, злучаную краёвую вайсковую раду й на вайсковыя рады частак (польная, лётная, плаўная), вайсковыя рады ў акругах. Вайсковыя рады адказваюць за падрыхтоўку вайскоўцаў і выкананьне ваенных дзеяньняў.

Найвышэйшы ваявода прызначае ў вайсковыя часткі людзей, якія ведаюць іслам. Яны пільнуюць, каб усе рашэньні вайскоўцаў адпавядалі йсламу. У большасьці сваёй гэта хаджат аль іслам. Маецца міністэрства старажоў перавароту. Яно займаецца забясьпячэньнем старажоў харчамі, зброяй і тэхнікай. Ажыцьцяўляе зносіны з мачлісам па пытаньнях зьвязаных са старажамі. Міністар старажоў ісламскага перавароту ўваходзіць ва ўрад Ісламскай рэспублікі Йран, аднак не ўваходзіць у вышэйшую раду абароны, дзе старажы прадзстаўлены ваяводам Махаматам Алі Джафары. Іран падзелены на 16 акругаў, у якіхабавязкова знаходзяцца вайсковыя рады акругаў. Яны ў сваю чаргу дзеляцца на гарадкі, пасты. Межы акругаў не супадаюць з межамі абласьцёў. Колькасьць старажоў ісламскага перавароту да сёньняшняга дня невядомая. Іранскія ўлады пільна сочаць за настроямі ў старажоў. Іх дух падтрымліваецца пастаянным узьдзеяньнем праз тэлебачаньне, радыё, газэты. Старажы дзеляцца на паспалітых старажоў, пастаянных старажоў і на тайных старажоў. Паспалітыя старажы праходзяць пачатковую падрыхтоўку й становяцца у запас. Іх бяруць калі будзе ў іх патрэба (вайна, унутраны мяцеж і г. д.) Пастаянныя старажы пасьля пачатковай падрыхтоўкі працягваюць навучаньне й нясуць пастаянную службу. Тайныя старажы служаць для выкананьня тайных заданьняў.

Польныя часткі[рэдагаваць | рэдагаваць крыніцу]

Гэта самая вялікая частка старажоў. Іх колькасьць складаецца ад 100 000 да 400 000 чалавек. Маюць на ўзбраеньні гарматы, ракэты, танкі і г. д.

Лётныя часткі[рэдагаваць | рэдагаваць крыніцу]

На ўзбраеньні маюць каля 300 баявых і 100 ваенна-грузавых самалётаў. Сярод самалётаў ёсьць вырабленыя ў ЗША (купленыя да ісламскага перавароту 1979 года), расейскага паходжаньня. Колькасьць каля 45 000 чалавек.

Плаўныя часткі[рэдагаваць | рэдагаваць крыніцу]

Узброеныя 3 падводнымі чоўнамі, 3 вельмі малымі падводнымі чоўнамі, 5 сярэднімі караблямі, 20 ракэтнымі катэрамі, 13 караблёў для высадкі людзей на бераг, 3 караблямі для мінаваньня, 28 караблёў для дапамогі старажам. Колькасьць плаўнай часткі ад 18 000 да 25 000 чалавек.

Басіч[рэдагаваць | рэдагаваць крыніцу]

Паспалітае рушэньне Йрана. Колькасьць каля 10 000 000 чалавек.


Commons-logo.svg  Сторажы ісламскага пераваротусховішча мультымэдыйных матэрыялаў