Сульна (камуна)

Адміністрацыйна-тэрытарыяльная адзінка
Камуна Сульна Solna kommun
Герб
Агульныя зьвесткі
Краіна	Швэцыя
Лэн	Стакгольм (лэн)
Насельніцтва (2011)	69 707 чалавек
Шчыльнасьць	3 596,85 чал./км²
Плошча	21,12 км²
Камуна Сульна (побач са Стакгольмам) на мапе Швэцыі
Мэдыя-зьвесткі
Часавы пас	+1
Летні час	+2
Афіцыйны сайт

Сульна (па-швэдзку: Solna kommun) — камуна ў Швэцыі, у лэне Стакгольм. Мяжуе з камунамі Стакгольм, Сундбюбэрг, Салянтуна й Дандэруд. Плошча 21,12 км² — адна з найменшых паводле плошчы камунаў Швэцыі (288 месца з 290). Насельніцтва 69 707 чалавек (30 верасьня 2011; 29 месца).

Назва

Назва паходзіць ад старашвэдзкага Solnø — даслоўна «Сонечны востраў».

Эканоміка

Сульна адна зь нямногіх камунаў Швэцыі, у якіх колькасьць рабочых месцаў перавышае колькасьць насельніцтва. Найбуйнейшымі работадаўцамі зьяўляюцца:

• Каралінскі ўнівэрсытэцкі шпіталь
• Каралінскі інстытут
• SAS
• Siemens
• Skanska

Выдатныя мясьціны

Галоўны фасад замку Гага ў Сульне

• Замак Гага — даўняя рэзыдэнцыя швэдзкіх каралёў, месца народзінаў Карла XVI Густава, з 2010 — афіцыйная рэзыдэнцыя кронпрынцэсы Вікторыі і прынца Даніеля.
• Парк Гага
• Замак Ульрыксдаль
• Замак Карлбэрг
• Swedbank Arena — стадыён, будаўніцтва якога плянуецца завершыць у 2012 годзе, пасьля чаго ён стане галоўным стадыёнам Нацыянальнай каманды Швэцыі па футболе.

Вядомыя асобы

• Карл XVI Густаў — кароль Швэцыі, нарадзіўся ў Сульне
• Вікторыя — кронпрынцэса Швэцыі, жыве ў Сульне
• Прынц Даніель — жыве ў Сульне
• Эстэльле — швэдзкая прынцэса, дачка кронпрынцэсы Вікторыі і прынца Даніеля, нарадзілася ў Сульне
• Торстэн Флінк — швэдзкі актор, музыка й рэжысэр, нарадзіўся й вырас у Сульне
• Робэрт Ўэлз — швэдзкі кампазытар, вырас у Сульне
• Крыстэр Пэтэрсан — злачынца, адзін з асноўных падазроных у забойстве Уляфа Пальмэ, нарадзіўся й памер у Сульне